Memlekettiń qorǵanys qabileti júıesin josparlaý jáne damytý jónindegi turaqty jumys sheńberinde áskerı vedomstvo mınıstrlikter men vedomstvolardyń laýazymdy tulǵalary úshin mamandandyrylǵan oqytý kýrsyn uıymdastyrdy.
Kýrsty Qorǵanys mınıstri general-leıtenant Nurlan Ermekbaev áskerı qaýipsizdiktiń qazirgi zamanǵy qaýip-qaterleri aıasynda Qarýly Kúshterdi damytýdyń negizgi baǵyttary týraly leksııamen ashty.
Sabaq barysynda elimizdiń qorǵanys qabiletin qamtamasyz etý boıynsha árbir mınıstrlik pen vedomstvonyń ókiletteri men quzyretterin qaraýǵa basa nazar aýdaryldy. Áskerı vedomstvonyń basshysy qorǵanys salasyndaǵy ortalyq atqarýshy organdardyń fýnksııalary reglamenttelgen qoldanystaǵy zańnamanyń erejelerine naqty toqtaldy.
– Áskerı jáne áskerı emes ár túrli sıpattaǵy táýekelder jaǵdaıynda memlekettik tetik biryńǵaı tutastyq retinde úılesimdi áreket etýge tıis, – dep atap ótti general-leıtenant Nurlan Ermekbaev.
Dáris sońynda ortalyq memlekettik organdardyń áskerı qaýipsizdikti qamtamasyz etý máseleleri boıynsha ózara is-qımylynyń tájirıbe júzindegi aspektileri talqylandy.
Úsh kúnge sozylatyn kýrs sabaqtary Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń bazasynda ótedi.
