Pavlodar oblysynyń bilim salasynda sapany qamtamasyz etý departamentiniń basshysy Erkimbek Aıazbaevtyń málimdeýinshe, oblysta kóktemgi UBT 15 naýryz ben 10 sáýir aralyǵynda ótedi. Testileý oblystyń 3 qalasynda júrgiziledi.
Pavlodar qalasynda 1985 túlek Tolstoı kóshesi, 99 mekenjaıynda tapsyrady. Ekibastuz qalasynda 1050 oqýshy Energetıkter kóshesi, 54 A mekenjaıynda, Aqsý qalasynda 323 oqýshy Áýezov kóshesi, 6 mekenjaıynda UBT tapsyrmaq.
– Testileý elektrondy formatta ótedi. Burynǵydaı qaǵazdy boıaýǵa ýaqyt ketirmeıdi. Oǵan qosa, buryn bir jaýapty boıap tastasań, qaıtadan ózgerte almaıtyn. Endi testileýdi aıaqtamaı turyp oqýshy óz jaýabyn ózgerte alady. Suraqtardyń mazmuny burynǵydaı. Beriletin ýaqyt ta sol qalpy qaldy, – dedi Erkimbek Aıazbaev.
Aıta keteıik, kóktemgi UBT-ny tapsyrý úshi aqy tólenedi. Sondaı-aq túlekter kóktemgi testileýdiń jaýabymen joǵarǵy oqý oryndaryna aqyly bilim alýǵa túse alady.
