Jańa qurylǵy oılap tapty

«Mehanıka jáne matema­tıka» ǴZI janyndaǵy kompıý­terlik ǵylymdar zerthanasynda ındýstrııalyq seriktesi «Digital Alem» JShS-men birlesip biregeı qurylǵy jasaldy. Jas ǵalymdar jańa jobamen bir jarym jyldaı ýaqyt aınalysyp, ózderiniń ekologııalyq monıtorıng júıesin kópshilikke usyndy. Noý-haý – bul aýanyń lastaný deńgeıin anyqtaıtyn, paıdalanýshynyń telefonyna Bluetooth arqyly qosylatyn jáne derekterdi serverge jibe­retin shaǵyn qurylǵy. Bul qu­rylǵy adamnyń ornalasqan jerin de anyqtaı alady. Onyń salmaǵy 150 gramm, batareıamen jumys isteıdi jáne ony jeli arqyly qýattaýǵa bolady.

Magıstranttardyń aldyn­ ala esepteýleri boıynsha quryl­­ǵynyń ózindik quny 30 myń teńgeden asady. «Biz daıyn­daǵan modýlder túrli datchıkterdiń kómegimen aýa alýdy júzege asyrady jáne derekterdi GSM/GPRS taratqysh arqyly serverge jiberedi. Server derekterdi qurylymdalǵan derekqor retin­de saqtaıdy. Olar kartada­ǵy qalanyń ekologııalyq kórini­sin bilýge, lastaný dınamıkasyn anyqtaýǵa jáne ártúrli fak­torlardy eskere otyryp, odan ári ózgerister týraly boljam jasaýǵa múmkindik beretin matematıkalyq modeldermen óńdeledi», deıdi kompıýterlik ǵylymdar zerthanasynyń meń­gerýshisi Edil Nurahov.

Jas ǵalymdar Almatyda lastaný deńgeıi óte joǵary kezeń­de jańa ónertabystyń qa­­jetti de ózekti ekenin atap­ ótti. Qala turǵyndary men bız­nes ókilderi tarapynan bul qu­­rylǵy óz tutynýshysyn ta­ba­dy. Turǵyndar portatıvti qu­ryl­ǵynyń kómegimen qala ǵı­marattaryndaǵy, aýlalaryn­daǵy nemese aýdandaryndaǵy ekologııalyq jaǵdaıdy anyqtaı alady, al kásipkerler eko-ónim­derdiń tizimin jasaý úshin bız­nestiń baǵyttaryn tańdaı alady.

Jańa qurylǵyny jasaýshylar Smatr Sity tujy­rym­damasy aıasynda jańa qurylǵyny qoldana otyryp, qalanyń ekologııasyn saq­taýdyń tıimdi quralyn jasaýǵa bolatynyn atap ótti.

ALMATY