Senator Memleket basshysy ótken jyly mamandyqqa baılanysty memlekettik bilim granttarynyń qunyn 1,3-2,7 esege kóterýdi tapsyrǵanyn eske saldy. Bul aqsha maqsatty túrde oqytýshylar quramynyń jalaqysyn kóterýge de jumsalýy kerek edi. Alaıda birqatar joǵary oqý oryndarynda ustazdar jalaqysy tıisti túrde óse qoıǵan joq.
«Sebebi bizdiń joǵary oqý oryndarynyń kópshiliginde bıýdjetti jumsaý máseleleri oqytýshylarmen de, ǵylymı keńespen de kelisilmeıdi, tek olardyń menedjerleri jeke dara sheshedi. Ýnıversıtetterge akademııalyq erkindik bere otyryp, biz olardyń isine syrttan aralasýdy shektep, olardyń basshylyǵyna aýqymdy ókilettik berip qoıdyq. Biraq oqytýshylardy basqarý júıesine, atap aıtqanda, damyǵan elderdegideı professorlyq-oqytýshylar quramynyń ǵylymı keńesterge qatysýyn, dırektorlar keńesine ókildigin qamtamasyz ete almadyq», - dedi Aqylbek Kúrishbaev.
