Oblystyq tótenshe jaǵdaılar departamenti baspasóz qyzmetiniń málimetinshe, joǵalyp ketken 54 jastaǵy T.Orazalıev «WDC» JShS-de kúzetshi bolyp jumys isteıdi eken.
«Departamenttiń dıspetcherlik pýltine 10 naýryzda Atyraý qalasynyń turǵynynan 1967 jyly týǵan T.Orazalıevtyń 6 naýryzda saǵat 19-00-de úıinen jumysyna shyǵyp, osy ýaqytqa deıin qaıta oralmaǵany týraly habar tústi. Joǵalǵan azamatty izdestirýge 10 naýryzda jedel qutqarý jasaǵynyń 7 qyzmetkeri, 4 kınologııalyq esep pen 4 tehnıka jumyldyryldy. Sondaı-aq, eriktilermen birge (4 adam men 2 tehnıka) birlesip Birlik, Aqsaı, Juldyz-3 eldi mekenderinde izdestirý júrgizildi» dep habarlady departamenttiń baspasóz qyzmeti.
Izdestirý jumystary búgin, 11 naýryzda saǵat 08:00-de qaıta jalǵasyp, oǵan jedel qutqarý jasaǵynyń 10 qyzmetkeri, 3 tehnıkasy (onyń ishinde 2 kınologııalyq esep) men joǵalyp ketken azamattyń 10 týysy tartyldy.
