Oblys ákimi ótkizgen alqaly jıynǵa Qostanaı, Rýdnyı qalalary men Qostanaı aýdanynyń ákimderi, óńirdegi iri qurylys kompanııalarynyń ókilderi men «Otbasy bank» KQ basshylyǵy qatysty.
«Búgingi kúni barlyq jumystar memlekettik baǵdarlamany iske asyrý merzimderin buzbaı, qarjylandyrý kestesine sáıkes josparly rejimde júrgizilýde. «Nurly jer» baǵdarlamasyn iske asyrýǵa 2021 jyly bıýdjetten 18,4 mlrd teńge kózdelgen, onyń ishinde kommýnıkasııalyq ınfraqurylymǵa 10,1 mlrd teńge, satyp alýsyz jalǵa beriletin turǵyn úımen qamtamasyz etýge 3,9 mlrd teńge, kóp qabatty 19 turǵyn úı salýǵa 4 mlrd teńge qarastyrylyp otyr. 2024 jylǵa deıingi jospar boıynsha oblysta turǵyn úı salý qarqynyn jyl saıyn 10%-ǵa arttyrý kózdelgen» - dedi aımaq basshysy Arhımed Muhambetov.
Sonymen qatar, jıynda «Nurly jer» memlekettik baǵdarlamasyn júzege asyrýdyń 2022-2024 jyldar aralyǵyndaǵy jospary pysyqtaldy. Baǵdarlamany júzege asyrýǵa birneshe iri qurylys kompanııasy qatysady. Máselen, jergilikti «BK-Stroı» seriktestigi aldaǵy 3 jyl ishinde oblys ortalyǵynda kóp qabatty 15 turǵyn úı turǵyzbaq.
«2022 jyly «Bereke» jáne «Jańa qala» shaǵyn aýdandarynda jalpy aýdany 76600 sh/m bolatyn 1240 páterlik 5 úı salýdy josparlap otyrmyz. 2023-24 jyldary «Bereke» shaǵyn aýdanynda 2180 páterlik taǵy 10 úı turǵyzamyz» dedi qurylys kompanııasynyń dırektory Valerıı Poleshko.
