Halyqaralyq jıyn qasıetti Quran aıatymen ashyldy. Mysyr Arab Respýblıkasynyń Ýaqyp mınıstri Muhtar Juma dinder men mádenıetter arasyndaǵy suhbattyń mańyzy jaıly baıandama jasap, din qaıratkerlerine ıgi tilegin jetkizdi.
Bas múftı Naýryzbaı qajy Taǵanuly konferensııa aıasynda Ýaqyp mınıstri Muhtar Jumamen, Mysyr múftıi Shaýqı Allammen jáne Qazaqstannyń Mysyr Arab Respýblıkasyndaǵy Tótenshe jáne О́kiletti elshisi Qaırat Lama Sharıfpen suhbattasty.
Aıta ketsek, Islam isteri jónindegi Joǵary keńestiń 31-inshi halyqaralyq konferensııasyna 100-den astam musylman memleketteriniń múftıleri men ǵalymdary qatysýda.
Qazaqstandyq delegasııa quramynda QMDB Apparat basshysy Ǵylymbek Májıev, Ýaǵyz-nasıhat bóliminiń meńgerýshisi Batyrjan Berdenuly, Dinı bilim jáne kadr daıarlaý bóliminiń meńgerýshisi Smaıyl Seıitbekov, Aqparat jáne qoǵammen baılanys bóliminiń meńgerýshisi Marat Bektazınov, Nur-Múbárak ýnıversıtetiniń prorektory Qaırat Qurmanbaev, Nur-Astana meshitiniń bas ımamy Nurlan Ramazanov bar.
