Bıyl 63-shi ret tabystalatyn premııanyń saltanatty keshin «Dayly show» baǵdarlamasynyń júrgizýshisi, ári ázilkesh Trevor Noı júrgizedi.
Osy joly «Gremmı» syılyǵyndaǵy «Jyl albomy» nomınasııasy Teılor Svıftke buıyrǵanymen, keshtiń basty ereksheligi álem juldyzy - Beıonse bolyp otyr. Ol barlyq nomınattardan oq boıy ozyp, toǵyz upaımen eń úzdik ánshi jáne oryndaýshy atandy.
Sonymen qatar, «Úzdik jańa ártis» nomınasııasynyń bıylǵy jeńimpazy - Megan Thee Stallion bolsa, «Úzdik komedııalyq albom» nomınasııasyn Tıffanı Herdısh qanjyǵasyna baılady
Osynaý álemdik premııanyń júldegerleri qatarynda qazaqstandyq mýzykant Imanbek Zeıkenov te bar. Onyń SAINt JHN atty ánshiniń Roses ánine jazylǵan remıksi úzdik dep tanyldy.
Eske sala keteıik, byltyr osy dodada jas oryndaýshy Bıllı Aılısh tórt nomınasııany qatar jeńgen. Ol «Úzdik án», «Úzdik plastınka», «Úzdik albom» jáne «Jańa oryndaýshy» degen nomınasııalar edi.
