Aımaqtar • 15 Naýryz, 2021

Qapshaǵaıdaǵy túbektiń bir bóligi satylatyny ras pa?

145 ret kórsetildi

Almaty oblysyna qarasty Qapshaǵaı ákimdigi túbektiń bir bóligin 340 mln teńgege satý týraly aqparatqa málimdeme jasady, dep habarlaıdy Egemen.kz

Qapshaǵaıdaǵy 5 gektar túbektiń bir bóligi satylymǵa shyǵarylǵan. Krisha.kz saıtynda nysan 340 mıllıon teńgege satylymǵa qoıylǵan-dy. Habarlamada túbek jaǵajaı bıznesin damytýǵa arnalǵany jóninde jazylǵan. Ázirge aýmaqta nysandar salyna qoımaǵan.

Aldyn ala derekter boıynsha jer ýchaskesi jeke tulǵaǵa tıesili eken. Osyǵan oraı ákimdiktiń baspasóz qyzmeti memlekettik jer kadastry aqparattyq júıesinde kórsetilgen málimettermen bólisti. Zańnamadyq negizderge sáıkes jeke menshiktegi jer ýchaskesine quqyqty ıelikten shyǵarý azamattyq-quqyqtyq mámileler negizinde júrgiziledi.

«Qapshaǵaı ákimdiginiń 2005 jylǵy 29 shildedegi qaýlysymen 5 gektar jer ýchaskesi jekemenshikke berildi. Qazirgi ýaqytta 2017 jylǵy 21 maýsymdaǵy jer ýchaskesin satyp alý-satý sharty negizinde azamattyń atyna tirkelgen», dep habarlady ákimdik ókilderi.

Sondyqtan jer ýchaskesiniń menshik ıesi memlekettik organdar ruqsatynsyz, óz qalaýy boıynsha jer ýchaskesin ıelený, paıdalaný jáne oǵan bılik etý quqyǵyn júzege asyra alady.

«Ol óziniń jer ýchaskesine qatysty Qazaqstannyń zańnamalyq aktilerinde tyıym salynbaǵan kez kelgen mámilelerdi jasaýǵa quqyly», dep tolyqtyrdy vedomstvo ókilderi.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar