Elorda • 15 Naýryz, 2021

Nur-Sultanda kolızeı ashylady

170 ret kórsetildi

Elordanyń Atatúrik parkine rekonstrýksııa jumystary júrgiziledi. Munda osy jazda kóshe sportynyń kolızeıi paıda bolmaq. Eki deńgeıli mýltıfýnksıonaldy arenanyń 4 kireberisi, perımetri boıynsha otyratyn orny bolady. Al ekinshi deńgeıinde kóleńkeli shatyrlar qarastyrylǵan, dep habarlaıdy Egemen.kz

Eki deńgeıli arena basketbol, fýtbol jarystary, boks týrnırleri, bı batldary jáne gımnastıka jarystary ótetin orynǵa aınalady. Qysta stend hokkeıshiler men konkımen syrǵanaýshylar úshin muz aıdynyna aınalýy múmkin.

«Elorda ákimi Altaı Kólginovtiń tapsyrmasy boıynsha qala aýmaqtaryn, ıaǵnı saıabaqtardy, skverlerdi, aýla aýmaqtaryn abattandyrýǵa erekshe kóńil bólinedi. Osylaısha, Atatúrik parkin fýnksıonaldy túrde strıtfýd, sporttyq-jattyǵý, balalar oıyn jáne mını-ekstremaldy alańdarǵa bólý josparlanyp otyr. Memleket basshysynyń Qazaqstan halqyna Joldaýyn iske asyrý maqsatynda kóshe sportyn nasıhattaýǵa basa nazar aýdarylyp otyr. Bul jumys búkil qala boıynsha jalǵasatyn bolady», dep atap ótti Nur-Sultan qalasynyń Sáýlet, qala qurylysy jáne jer qatynastary basqarmasynyń basshysy Nurlan Uranhaev.

1

Saıabaq aýmaǵynda strıtbolǵa arnalǵan 5 alań jasaý josparlanýda. Osylaısha, bir ýaqytta ártúrli alańqaıda oıyndar ótkizýge bolady. Bul óz kezeginde jarystarǵa da yńǵaıly.

Ýrbanıstıka ortalyǵynyń basshysy Elnar Bazykenniń aıtýynsha, saıabaqqa kóleńke túsirý úshin qalqalar, átkenshekter, kóshe jıhazdary, jyldam tamaqtanýǵa arnalǵan pavılondar ornatý josparlanǵan. Jumys bıyl bastalady.

Esterińizge sala keteıik, jumys «Nur-Sultan – jaıly qala» master-jospary boıynsha júrgizilip jatyr. Ony júzege asyrý aıasynda byltyr elordada 60 qoǵamdyq keńistik qurylyp, 150-den astam aýla abattandyryldy.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar