Balqash aýdanynyń tártip saqshylary Oraqbalǵa aýylynyń mańyndaǵy kólderdiń birinen ruqsatsyz balyq aýlaǵan eki turǵyndy ustady. Qoldanystaǵy zań talabyn óreskel buzǵan eki turǵynnan balyqtarmen qatar, plastıkalyq aý tárkilendi.
– “Ile – Balqash” tabıǵı rezervatynyń ınspektorlarymen birlese otyryp, Balqash kóliniń mańyndaǵy kólderdiń birinen 41 jáne 43 jastaǵy eki turǵyn ustaldy. Olardyń balyq aýlaý úshin zańmen tyıym salynǵan plastıkalyq aýdy paıdalanǵany anyqtaldy. Qazirgi ýaqytta atalǵan derek boıynsha QR Qylmystyq kodeksiniń 335-babyna (Balyq resýrstaryn, basqa da sý janýarlaryn nemese ósimdikterin zańsyz alý) sáıkes sotqa deıingi tergeý amaldary júrgizilýde, – dedi Balqash aýdanynyń PB jergilikti polısııa qyzmeti bólimshesiniń bastyǵy Azamat Abdrahmanov.
Tártip saqshylary tárkilegen sıntetıkalyq aýlardy órtep jiberse, 60 keliden astam túrli balyqty arnaıy qabyldaý oryndaryna ótkizdi.
Tabıǵat qorǵaý qyzmetkerleri qos turǵynnyń memleketke keltirgen materıaldyq shyǵyndaryn esepteýde.
