«Oblıgasııalary Qazaqstan qor bırjasynyń resmı tiziminde turǵan «Baıterek» Ulttyq basqarýshy holdıngi» AQ (Nur-Sultan) Qazaqstan qor bırjasyna (KASE), 2021 jyldyń 15 naýryzyndaǵy jalǵyz aksıoneriniń sheshimderi týraly habarlady. Jalǵyz aksıoneri birneshe sheshim qabyldady», delingen aqparatta.
Atalǵan sheshimderdiń qatarynda «Baıterek» Ulttyq basqarýshy holdıngine «QazAgro» Ulttyq basqarýshy holdıngti qosý arqyly holdıngti qaıta qurý, «QazAgro» Ulttyq basqarýshy holdıngi» AQ ornalastyrylǵan aksııalary sany sheginde 585 352 214 dana aksııalaryn bir aksııaǵa 366,85 teńgeden «Baıterek» Ulttyq basqarýshy holdıngi» aksıonerlik qoǵamyna satý bar. Jalpy, jalǵyz aksıoner barlyǵy 12 másele boıynsha sheshim qabyldaǵan.
Osylaısha, «Báıterek» holdınginiń quramyna burynǵy «QazAgronyń» úsh enshiles uıymy – «Agrarlyq nesıe korporasııasy» AQ, «QazAgroQarjy» AQ jáne «Aýyl sharýashylyǵyn qarjylaı qoldaý qory» AQ kirdi.
