Bas múftı ál-Azhar sheıhyna Qazaqstanǵa bólinetin bilim granty sanyn eki esege kóbeıtýdi usyndy. Sonymen qatar Qazaqstanda salynatyn Islam akademııasyn, Islam jáne teologııa kitaphanasyn klassıkalyq dinı kitaptarmen qamtamasyz etýdiń mańyzdylyǵyn jetkizdi.
Ál-Azhar ýnıversıtetiniń sheıhy bul usynysty qoldaıtynyn, Qazaqstan úshin bólinetin bilim granty eki esege ulǵaıatynyn málimdedi. Sonymen qatar, Islam akademııasy men Islam jáne teologııa kitaphanasyna qajetti klassıkalyq baǵyttaǵy kitaptardy jetkizip berýge ýáde etti. Naýryzbaı qajy Taǵanuly ál-Azhar ýnıversıtetiniń sheıhy, Bas ımam Ahmet Taıypqa aıryqsha alǵys bildirip, ıgi nıetin jetkizdi.
Aıta ketsek, Qazaqstan musylmandary dinı basqarmasy men ál-Azhar ýnıversıteti arasynda jasalǵan kelisim boıynsha jyl saıyn qazaqstandyq ımamdar úshin 25 bilim granty bólinetin. Endi jyl saıyn 50 ımam ál-Azhar ýnıversıtetinde bilimin jetildirmek.
