Qyzylordalyq polıseıler «deldaldyqpen» aınalysa ma?

О́tken jyldyń 24 jeltoq­sanynda oblys ortalyǵynda jol-kólik oqıǵasy bolǵany ras. Qyzylorda qalalyq polısııa basqarmasynyń  kezekshi ıns­pektory tıisti is-qujattardy jınaqtap, jol-kólik oqıǵasy boıynsha syzba jasalyp, kó­lik rýlindegi áıelge qatysty  Ákim­shilik quqyq buzýshylyq týra­ly kodekstiń 610-babynyń 2-bó­ligimen ákimshilik is resimdelgen.

Bul derek boıynsha Qy­zyl­orda OPD Ákimshilik polı­sııa basqarmasy ákimshilik is júr­gizip, sotqa joldapty. 10 naý­ryz­da Qyzylorda qalalyq ma­man­dandyrylǵan ákimshilik sotynyń sheshimine sáıkes kólik basqarǵan adam  kináli dep tanylyp, oǵan 116 680 teńge aıyppul salynǵan.

Osy jol-kólik oqıǵasynan zardap shekken qyz balanyń da beı­nejazbasyn kórdik. Úsh aıǵa sozylǵan istiń sheshilýine yqpal etken zańgerge alǵys aıtypty. Polıseılerge degen ókpesin de jasyryp qalmapty. Oblys­tyq PD baspasóz qyzmeti óz qyz­metkerleriniń byltyr 24 jeltoqsanda bolǵan bul oqı­ǵadan keıin sot-medısınalyq sarap­tama qorytyndysyn kút­kenin aıtady. Áýelgi sheshimge já­­bir­lenýshi kelispegen soń qaı­­ta saraptama taǵaıyndalyp, so­nyń nátıjesine qaraılaǵan kórinedi.      

Al osy jyldyń 3 qańtarynda Shıeli aýdanynda bolǵan jol-kó­lik oqıǵasyna baılanys­ty Qazaqstan Respýblıkasy Ákim­shilik quqyq buzýshylyq týraly kodeksiniń 610-babynyń 2-bó­ligimen ákimshilik hattama re­simdelip, jol-kólik oqıǵa­synan dene jaraqattaryn alǵan azamattarǵa qatysty sot-me­dısınalyq saraptama taǵa­ı­yndalǵan. Onyń qorytyn­dysy «Opel Vektra» markaly avtokóligindegi eki jolaý­shy­nyń «aýyr» dárejeli dene jara­qattaryn alǵandyǵyn kórsetken.

«ÝAZ» avtokóligi júrgizýshisiniń is-áreketinde Qazaqstan Respýblıkasy Qylmystyq kodeksiniń 345-babynyń 2-bóliginde kózdelgen qylmystyq quqyq buzýshylyqtyń quramy bolýyna baılanysty oǵan qatysty sot­qa deıingi tergep-tekserý amaldary júrgizilýde.

Polısııa departamenti zańger­diń «Almatyda probasııalyq esepte turatyn adamnyń Shıelidegi qylmysqa qatysy bolmasa da jaýapqa tartylyp otyr», degenimen kelispeıdi. «Bul derek boıynsha Shıeli aýdandyq polısııa bólimi sotqa deıingi tergep-tekserý amaldaryn júrgizip, kúdiktiniń is-áreketi tolyq áshkerelengen», deıdi olar. Qylmystyq is aıyptaý aktisimen aýdandyq prokýratýraǵa joldanyp, 21 qańtarda kelisim alynyp, sotqa joldandy. Qazir is sotta qaralýda.

Áleýmettik jelide jóndeýge bergen kóligine sheber qasaqana zaqym keltirgen turǵynnyń janaıqaıy da júr. Qoǵam belsendisi aıtqan osy máselege oraı polıseıler tıis­ti shara júrgizilip jatqanyn jet­kizgen edi. «Aryzym merziminde tirkel­medi» degen azamat quqyq qorǵaý­shylardyń beıjaılyǵyna ókpe aıtady. Tergeýshiniń is júrgizýden buryn eki jaqty yń-shyńsyz kelise salýǵa shaqyrǵanyna da narazy. Zańger qyzylordalyq quqyq qorǵaýshylarǵa arnaǵan beınejazbasynda «Oblystaǵy polıseıler arasynda eki jaqty ymyralastyryp, isti yń-shyńsyz bitirýge tyrysatyndar bar» degendi aıtqan edi. Árıne, bitim sharty qos taraptyń da kóńilinen shyǵyp jatsa, áńgime basqa. Biraq áleýmettik jelide pogon taqqandardyń osy ádisti jıi qolda­natynyn aıtqandardyń shyryly basymdaý estilip turǵan sııaqty.

Aıtpaqshy, áleýmettik jelidegi beınejazbada aıtylǵan máselelerge baılanys­ty oblystyq Polısııa departamentiniń О́zindik qaýipsizdik basqarmasy tekserý jumystaryn bastap ketipti. Bul is muqııat tekseril­mese, bizdiń «Halyq únine qulaq asatyn memleketke» aınalýǵa talpynǵan talabymyzǵa tusaý bolmaq.

Qazir qoǵam belsendisiniń úndeýine pikir bildirip jatqandar kóp. Jelidegi jurttyń aıtqandary О́zindik qaýip­sizdik basqarmasy qyzmet­kerleriniń atqarar jumysy az bolmaıtynyn baıqatyp turǵandaı.

QYZYLORDA