О́ner • 17 Naýryz, 2021

Máńgilik daýysy

97 ret kórsetildi

Almatydaǵy Memlekettik ortalyq mýzeı «Almaly palıtra» sýretshiler qaýymdastyǵymen birlesip «Máńgilik daýysy» atty kórkemóner týyndylarynyń halyqaralyq kórmesin ashty. О́ner jármeńkesine otandyq 40 sýretshiniń, sonymen birge Reseı, Chehııa, Bolgarııa, Germanııa qylqalam sheberleriniń úzdik týyndylary toptastyrylyp otyr.

Kórme qabyrǵasyna ilingen seksen kartınada seksen túrli paıym bar. Beıneleý óneriniń barlyq janrlaryn qamtyǵan peızajdar, natıýrmorttar, sıý­jet­tik kompozısııalar zer­deli kórermendi oı tereńine jete­leıdi. Eń bastysy, ár týyndyger kórmege qazaq halqynyń tarıhy men dástúrli mádenıetinen syr shertetin shyǵarmalarymen kelgen. Zamanaýı sýretshiler kórkemóner salasyna kıeli turmys-salt elementterin, tarıh pen ejelgi ǵuryp-nanymdardy, petroglıfterdi, nyshan-bel­gilerdi, ata-ájeler obrazdaryn, tarıhı dáýirlerdegi halyq ba­tyrlarynyń asqaq beınesin tú­sindirme sıýjettermen bere bilgen. Sheteldik sýretshilerdiń qa­zaq jerine degen shyǵarma­shylyq kózqarastary da san qı­ly kórinis tabady. Olar ta­qyrypty kóbine-kóp transsendentaldy álem, sulýlyq jáne tabıǵat úılesimi arqyly ashýǵa tyrysqan.

1

– О́ner ultqa bólinbeıdi. Ol – adamzatqa ortaq qundylyq. Qazaq dalasynyń kórkem tabıǵatyna, kóshpeliler mádenıetiniń baı dá­s­túrine qyzyǵa qaraımyz. Mun­da shyǵarmashylyq adamyna aıryqsha shabyt syılaıtyn dúnıeler óte kóp. Taý men dala da, ózen men kól de bar. Bul su­lýlyqty aldymen kóńilge kóshi­rip alyp, kenepke túsirgende tip­ten qulpyra túsedi, – deıdi Che­hııalyq tanymal sýretshi Andreı Latynın.

1

Ortalyq memlekettik mýzeı dırektorynyń orynbasa­ry Ǵalııa Temirton el Táýelsiz­di­giniń dóńgelek datasyna oraı bıyl kóptegen kórme jos­par­­lanyp otyrǵanyn, bul tur­ǵy­da mádenıetterdi baılanys­tyrý maqsatynda Qazaqstan ta­qyrybyn qylqalamǵa ar­qaý etken sýretshilerdiń ir­geli ju­mystaryn jergilikti kó­rer­menge tanystyrýǵa zor kóńil bó­­­linetinin aıtady. Kórme kýra­torlary Qazaqstannyń óner qaı­ratkeri Marlan Nysanbaev pen Lıdııa Drozdova da bul pi­kir­di qostady. О́ıtkeni álemniń ǵa­jaıyp murasyna balanatyn eli­mizdiń sulý jerleri sýretke su­ranyp turady. Bul óz ke­ze­ginde qazaq dalasynyń tumsa tabı­ǵatyn álemge tanytýǵa da sep bolmaq.

1

Kórmeniń sımvoly – máńgilik – ýaqyt, tabıǵat jáne adamnyń ajyramas birligi, adamnyń rýhanı qýatyn arttyrý, toqtaýsyz damý, shyǵarmashylyq jáne ja­sampazdyq ıdeıalar. Alma­ty­lyq­tar men qala qonaqtary aıtýly óner týyndylaryn naýryz aıy­nyń sońyna deıin tamashalaı alady.

 

ALMATY

 

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar