«16 naýryzda saǵat 00:45-te Qaraǵandynyń 21-shaǵynaýdanynda 5-qabattaǵy bir bólmeli páterde gaz-aýa qospasynyń jarylysy bolyp, 5 sharshy metr aýmaqta úı zattary men jıhazdary janyp ketti. О́rt ornynan 1994 jyly týǵan er adam aýrýhanaǵa jetkizildi. О́rt 1 saǵat 19 mınýtta sóndirildi. TJD kúshimen baspaldaq marshy boıynsha bir adam qutqarylyp, 25 adam (onyń ishinde alty bala) evakýasııalandy. Oqıǵa ornyna TJD-niń 40 qyzmetkeri men 11 tehnıkasy jumyldyryldy. Aldyn ala boljam boıynsha, ottyń shyǵý sebebi – 27 lıtrlik gaz ballonynyń redýktorynan gaz-aýa qospasynyń aǵyp ketýi. Qaraǵandy oblysynyń TJD eske salady: 2 qabattan artyq qabatty kóppáterli úılerde gaz ballondaryn paıdalanýǵa tyıym salynady. Tek jaramdy gaz jabdyqtaryn paıdalaný qajet», dep habarlady Qaraǵandy oblystyq TJD-dan.
Qaraǵandy oblysynyń Densaýlyq saqtaý basqarmasy er adamnyń jaǵdaıy týraly habarlady.
«16 naýryzda 1994 jyly týǵan naýqas Prıshahtınskiden jedel járdem brıgadasymen Maqajanov klınıkasynyń qabyldaý bólmesine shamamen 1 saǵat 30 mınýtta jetkizildi. Naýqas óte aýyr jaǵdaıda, aıaq-qol, bet, moıyn, arqanyń 45% III B dárejeli kúıik jaraqatymen, kúıik shogy kúıinde jetkizildi. Qazirgi ýaqytta naýqas jansaqtaý bóliminde jatyr, jaǵdaıy turaqty aýyr dep baǵalanýda», dep naqtylady vedomstvodan.
Jarylys saldarynan turǵyn úıde elektr energııasy aqaýlary paıda boldy. Alaıda, «Qaraǵandy Jaryq» JShS baspasóz qyzmetiniń habarlaýynsha, qazir elektr qýaty tek jarylys bolǵan kireberiste ǵana joq. Oktıabr aýdanynyń ákimdigi páter men kireberisti tazalaý jumystaryn uıymdastyrdy.
«Turǵyndar arasynda basqa zardap shekkender joq jáne olardyń barlyǵy óz páterlerinde. Úıde jylytý jáne sý berý qalypqa keltirildi. Elektr energııasyna keletin bolsaq, ol tek órt bolǵan kireberiste ǵana joq, jaqyn arada «Qaraǵandy Jaryq« JShS mamandary máseleni sheshetin bolady. Jergilikti ákimdiktiń kúshimen páterdi bolǵan jaǵdaıdan tazartý jumystary uıymdastyryldy», dep túsindirdi vedomstvoda.
Eske sala keteıik, Qarmaqshy aýdany, Josaly kenti, Rústembekov kóshesi, 29, jeke turǵyn úıde túski 13:30 kezinde 27 lıtrlik gaz ballony jaryldy. 144 sharshy metr jer órtke oranyp, 4 adam qaıtys bolǵan edi.
