QARAǴANDY JASANYP JATYR

Bul kúnde óndiristi óńirdiń qa­la­lary men eldi mekenderi kel­gen kóktem kórkimen birge ja­ra­syp, sándengen jastaı jasa­nyp, jańarý ústinde. 15 naýryzda bas­ta­lyp ket­ken úsh aılyq kósheler­di, aýlalar­dy, saıabaq­tardy ajar­lan­dyrý, kógaldan­dyrý aksııa­synyń qor­shaǵan ortaǵa áseriniń ádemi kórinisteri barǵan saıyn baıqalyp keledi. Osyǵan oraı ótken birinshi senbi­likten soń aınala tipti ádemilenip sala berdi. Oǵan 200 myńǵa jýyq adam bir kisideı belsendilikpen qatysty. Jańadan otyrǵyzylǵan 66 myń aǵash kósheti kúni erteń-aq japy­raq jaıyp, tynys keńeıtip tura­tyn bolady. Qysqy kúl-qoqystan tazarǵan tóńirek aınadaı jarqy­rap qaldy. Bıylǵy kóktem Qaraǵan­dy­daǵy Jeńis saıabaǵy kelbetin sán­dendire tústi. Munda alystaǵy Belgııadan arnaıy ákelingen shyrshalar boı kóterdi. Temirtaý, Jezqazǵan, Balqash, Sátbaev qalalarynda da ádettegi qaraaǵash, terekter ornyna Qarqaralynyń, Kókshetaýdyń qaraǵaılary tamyr jaıdy. Ortany kórkeıtý, tazartý munymen aıaqtalǵan joq. Bul júmystar mamyrdyń aıaǵyna deıin júrgiziledi. Aıqyn NESIPBAI. QARAǴANDY.