Aımaqtar • 17 Naýryz, 2021

Zarechnyıdaǵy baspana daýy turǵyndardyń paıdasyna sheshildi

98 ret kórsetildi

Qostanaı qalasynyń irgesindegi Zarechnyı aýylyndaǵy tórt qabatty jaldamaly úıde turyp jatqan 19 otbasyn prokýrorlyq tekseris zańsyz qonystanýshy dep tanyp, turǵyndar «Nurly jer» baǵdarlamasy boıynsha qonystanǵan baspanalarynan aıyrylyp qala jazdady. Osylaısha, 2 jarym jyl buryn Konstıtýsııa kúni merekesi qarsańynda oblys ákimi Arhımed Muhambetovtyń óz qolynan páter kiltterin alyp baspana baqytyna bólengen bıýdjettik mekeme qyzmetshileri eki kún boıy dúrlikken.

2018 jyly Severnyı shaǵyn aýdanyndaǵy 5/10-úıge  qonystanǵan qatardaǵy muǵalim, tárbıeshi, dáriger, memlekettik qyzmet mamandaryna taıaýda aýdandyq turmystyq-kommýnaldyq sharýashylyq bóliminiń ókili kelip, bir aıdyń ishinde páterlerińizdi bosatyńyzdar degen eskertý hat úlestirip ketken. Páter jaldaý kelisim-shartyn buzý týraly eskertýde: «Qostanaı aýdany prokýratýrasynyń 2021 jyldyń 19 qańtaryndaǵy №2-0914-21-00070 usynysyna sáıkes, Qostanaı aýdanynyń turmystyq-kommýnaldyq sharýashylyq, jolaýshylar transporty jáne avtomobıl joldary bólimi» MM sizderge 30 kúntizbelik kúnniń ishinde  2018 jyldyń 5 qyrkúıegindegi №36 jalǵa alý shartynyń buzylatynyn eskertedi. Sizderden 30 kúntizbelik kúnniń ishinde ótkizý-qabyldaý aktisi boıynsha páterlerińizdi ótkizip berýdi suraımyz», dep jazylyp, aýdandyq bólimniń basshysy K.Qurmanǵalıevtiń qoly qoıylyp, móri basylǵan.

- Bul úıdi biz 2018-jyly «Nurly jer» baǵdarlamasymen aldyq. Páter kiltterin oblys ákimi óz qolymen tabys etken. О́zim bıýdjettik mekemede jumys isteımin. Mamandyǵym - muǵalim. Bul úıdi men bıýdjettik mekeme qyzmetkeri retinde alǵan edim. 14-sáýirde TKSh bóliminiń qyzmetkerleri kelip, 30 kúnniń ishinde páterdi bosatyńdar dep ketti. Biz 2018 jylǵa deıin baspana kezeginde turdyq, endi bul páterden aıyrylsaq, qaıda baramyz? Bul – jaldamaly úı. 3 jylǵa taıaý turyp jatyrmyz. Endi kelip TKSh mamandary: «Bul páterler sizderge qatelesip berilgen» - dep otyr. Bizdiń kinámiz ne? Bárimiz baspana kezeginde turǵan jandarmyz. Qazir bul úıden shyǵaryp jiberse, burynǵy páter alý úshin tirkelgen kezegimiz de ótip ketti. Munda turatyndardyń kóbiniń shıetteı bala-shaǵasy bar, qaıda bararymyzdy bilmeı bárimizdiń basymyz qatyp otyr, - dedi №1-páterdiń turǵyny Gúlmıra Ǵabdýllına.

Balabaqshada tárbıeshi bolyp jumys isteıtin Orynkúl Qashqynbaeva osy úıdiń úshinshi qabatyndaǵy 28-páterde turady.

- Bárimiz bir aılyqqa qarap otyrǵan adambyz ǵoı. Turǵyndardyń

barlyǵynyń da bankten alǵan nesıe qaryzy bar. Bul úıden shyǵaryp jiberse, páter jaldaıtyn jaǵdaıymyz joq. Tús kórip jatqan shyǵarmyz dep áli senbeı júrmiz. Ákimdik  jaıymyzdy túsinip, páterdi jalǵa alý kelisim-shartyna ózgeris engizip, aı saıyn ıpoteka tóleıtin etip jaǵdaı týǵyzsa jaqsy bolar edi, - dedi O. Qashqynbaeva. 

5/10-úı áýel basta jetimder men múmkindigi shekteýlilerge, kóp balaly analarǵa arnalyp turǵyzylypty. Al jergilikti ákimdik páter bosatýdy talap etken 19 otbasy bul sanatqa jatpaıtyn azamattyq jáne memlekettik qyzmetshiler. Prokýrorlyq tekseris osy jerden qate tapqan syńaıly.

16-naýryz kúni oblys ákiminiń birinshi orynbasary Ǵaýez Nurmuhambetov 19 otbasymen kezdesip, jylý maýsymy aıaqtalǵansha eshkim jyly ornynan shyǵarylmaıtynyn, bul másele áli de  qarastyrylatynyn aıtyp ýáde bergen.  Artynsha, Qostanaı aýdany ákiminiń baspasóz qyzmeti «16 naýryz kúni Zarechnyı aýylyndaǵy Severnyı 5/10-úıdiń turǵyndarymen oblys ákiminiń birinshi orynbasary Ǵaýez Nurmuhambetov pen aýdan ákimi Jansultan Táýkenov kezdesý ótkizgen. «Kezdesý barysynda turǵyndarǵa barlyq jaǵdaı túsindirildi. Bul másele jylý maýsymy aıaqtalǵan soń, ár turǵynnyń jaǵdaıyna qaraı jeke-jeke azamattyq quqyq sheńberinde qarastyrylady» -degen málimet taratty.

17-naýryz kúni tańerteń aýdan ákimi Jansultan Táýkenov Severnyı 5/10-úıdegi 19 otbasymen qaıta kezdesip, turǵyndardyń  birjola óz páterlerinde qalatynyn aıtqan. Bul qýanyshty habardy bizge osy úıdegi 6-páterdiń turǵyny Tımofeı Kobes jetkizdi.

«Másele sheshildi. Búgin aýdan ákimi Jansultan Táýkenovtyń ózi kelip bárimizdi qýantyp ketti. Ákim prokýratýraǵa arnaıy hat jazyp, nátıjesinde quqyq qorǵaý organdarynyń qatysýymen jınalys ótipti. Jınalys barysynda turǵyndar Severnyı shaǵyn aýdanyndaǵy 5/10-úıge zańdy túrde qonystanǵan. Munda turyp jatqan muǵalimder, tárbıeshi, dáriger mamandar men memlekettik qyzmetshiler uzaq ýaqyt baspana kezeginde turdy. Olar óz páterlerinde qalýǵa tolyq quqyly. Sondyqtan atalmysh úıdegi 19 otbasy eshqashan páterlerinen shyǵarylmaıdy degen sheshim qabyldanypty. Biz aýdan ákiminen otyrys hattamasymen ózi jazǵan arnaıy hattyń kóshirmesin surap edik, Jansultan Qońyrtaıuly keshke deıin ákelip, qolymyzǵa tapsyratynyn aıtty. Endi bárimiz óz páterimizde qalatyn boldyq. Máseleni ýshyqtyrmaı, der ýaqytynda sheship bergen aýdan basshylyǵyna alǵysymyz sheksiz», dedi Tımofeı Kobes.

        

Qostanaı oblysy

Zarechnyı aýyly

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar