Parlament • 17 Naýryz, 2021

Májilis kvazımemlekettik sektordyń jekelegen sýbektileriniń satyp alýy týraly zań jobasyn maquldady

31 ret kórsetildi

Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar «Kvazımemlekettik sektordyń jekelegen sýbektileriniń satyp alýy týraly» jáne oǵan ilespe zań jobasyn birinshi oqylymda maquldady, dep habarlaıdy Egemen.kz Májilistiń baspasóz qyzmetine silteme jasap.

Nurlan Nyǵmatýlın atalǵan zań jobasy elimizdiń ekonomıkasy úshin erekshe mańyzdy ekenin alǵa tarta kelip: -Elbasymyz Nursultan Ábishuly Nazarbaev óz bastamasymen «Samuryq-Qazyna» Ulttyq qoryn qurǵan kezde, osyndaı kvazımemlekettik sýbektiler jumysynyń ashyq jáne tıimdi bolýyna bas nazar aýdarǵan bolatyn. Memleket Basshysy Qasym-Jomart Kemeluly Toqaev ta óziniń Joldaýynda kvazımemlekettik satyp alýlar máselesine kóńil bólip, arnaıy zań daıyndaý týraly tapsyrma berdi. Osyǵan oraı, kvazımemlekettik sektordyń ashyq jáne básekege qabiletin arttyratyn jańa zań jobasy ázirlendi Bul zań jobasyna qatysty birqatar otyrystar, birqatar talqylaýlar ótti. Kóptegen usynystar, túzetýler de engizildi, - dedi.

Májilis Tóraǵasynyń pikirinshe, endi osy saladaǵy barlyq satyp alýlar boıynsha baqylaý jasalady. Sonymen birge, otandyq ónimderimizdi qoldaýǵa jol ashylady. Nurlan Nyǵmatýlınniń aıtýynsha, zań qabyldanǵannan keıin jaǵdaı ózgerýi tıis. О́ıtkeni, onyń normalary "Samuryq-Qazyna" qorynyń, "Báıterek", "QazAgro" holdıngteriniń ǵana emes, sondaı-aq satyp alýdyń jalpy somasy jyl saıyn shamamen 3,5 trıllıon teńgeni quraıtyn 253 ulttyq kompanııa men olardyń enshiles uıymdarynyń qyzmetin retteıtin bolady. Bul qazirgi elimizdiń ekonomıkalyq belsendiligi qalpyna kele bastaǵan ýaqytta erekshe mańyzdy.

Palata Spıkeri atap ótkendeı, kvazımemlekettik sektordaǵy satyp alýlardyń ashyqtyǵy men tıimdiligin arttyratyn zań jobasy satyp alýlar úshin básekelik jaǵdaılar jasaýǵa, sondaı-aq, otandyq óndirýshilerdi qoldaýǵa baǵyttalǵan.

Sonymen qatar zań jobasy qazaqstandyq kásiporyndardyń óndiristik qýatyn barynsha arttyryp, jumys oryndaryn saqtap ǵana qoımaı, jańa jumys oryndaryn qurýǵa múmkindik beredi.

Aıta ketý kerek, zań jobasy kvazımemlekettik sektor, «Atameken» Ulttyq kásipkerler palatasy, saraptama uıymdary jáne qoǵamdyq birlestikter ókilderiniń qatysýymen jan-jaqty talqylanyp, qaraldy.

Zań jobasy qoldanystaǵy zańnamany «Kvazımemlekettik sektordyń jekelegen sýbektileriniń satyp alýy týraly» zań jobasyna sáıkes keltirý maqsatynda ázirlendi jáne Kásipkerlik kodekske jáne «Aksıonerlik qoǵamdar týraly», «Memlekettik múlik týraly», «Ulttyq ál-aýqat qory týraly» zańdarǵa ózgerister men tolyqtyrýlar engizýdi kózdeıdi. Jalpy otyrysta Májilis «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrý engizý týraly» Memleket Basshysynyń zań shyǵarý bastamasy tártibimen Parlamentke engizgen zań jobasyn jumysqa aldy.

Sondaı-aq otyrys barysynda depýtattar «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» zań jobasyna Senat engizgen túzetýlerdi qarady. Osyǵan sáıkes, Májilis komıteti Kelisim komıssııasyn qurýdy usynyp, onyń quramyna Májilistiń Zańnama jáne sot-quqyqtyq reforma komıtetiniń depýtattary Snejanna Imasheva, Arman Qojahmetov jáne Artýr Platonovty qosty.

Jıyn sońynda Májilis depýtattary memlekettik organdar basshylaryna depýtattyq saýaldar joldady. Olar: F.Qarataev, A.Raý, D. Esbaeva, A.Ábildaev, J.Ahmetbekov, E.Saırov, K.Isa.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar