TAǴYLYMDY KITAPTYŃ TUSAÝKESERI

Qazaq jeriniń taý men tasy, dalasy men saı-salasy, eń aıaǵy bir tal jýsanynyń da ózindik taǵylym alar tarıhy bar. Tek sonyń tereńine boılap, tanym­dyq jaǵynan tańdaı bilip, zerttep, zerdelep urpaqqa syı-sybaǵa etip usyna alsaq jetip jatyr. Osyndaı ıgilikti iske soń­ǵy jyldary elordadaǵy “Fo­lıant” baspasy uıytqy bolyp keledi. “Meniń Otanym – Qazaqstan” serııasymen jaryq kórgen rýha­nı qundy­lyqtar sol sózimizge dálel bolsa kerek. О́lketaný taqyrybyndaǵy ta­rı­hı-tanymdyq, kórkemsýret­ti, ishi-syrty Otanymyz­daǵy qasıet­ti oryndardyń she­ji­resin shert­ken “Ulytaý”, “Oıyl”, “Ereı­mentaý”, “Oty­rar” atty kó­lemdi eńbek­ter ótken jyly jurt­shy­lyq qolyna tıse, taıaýda belgili jazý­shy Qalaýbek Tur­syn­­qulov­tyń “Qazy­ǵurt” kitaby jaryq kórdi. Qundy dúnıege demeý­shilik jasa­ǵan ult rýha­nııa­tynyń jan­ashyry Beket Tur­ǵaraev ekenin aıta ketkenimiz lázim. Irgeli eńbekte Qazyǵurt óńiriniń arǵy-bergi tarıhy júıeli jazylyp, ańyz-ápsana­lar­dyń beımálim syrlary áser­li baıandalǵan. Sonaý yqy­lym zamanda osy ólkeni jan­keshti­lik­pen talmaı kezgen Qy­taı jı­hankezderiniń, sondaı-aq keıin­gi saıahatshylardyń jazba­laryn­daǵy derekter nanymdy­lyǵymen este qalady. Túrik qaǵanatynyń aqylman arys­tary, odan bergi uly handar men parasat paıy­my, oı ólshemi bıik bı-sheshen­deri, tarıhta el men jeriniń tutastyǵyn, hal­qynyń bereke-birligin saqtaǵan tulǵalary jan-jaqty kórinis tapqan. Osyndaı salıqaly kitaptyń tusaýkeser rásimi Astanadaǵy ulttyq kitaphananyń uıytqy bolýymen ótip, jaqsy dúnıeniń jetistikteri týraly kórnekti qalam­gerler K.Salyqov, Á.Ta­ra­zı, S.Abdrahmanov, senator Ǵ.Esim sóz sóılese, kitap av­tory­nyń jary Naǵıma jeńgeı kórsetilgen qurmetke shynaıy rızashylyǵyn bildirdi. Súleımen MÁMET.