Sonyń ishinde Tımırıazev aýdany halqymen jáne aktıvimen Mádenıet úıinde kezdesti. Aýdan ákimi Nurlan Keńesovtiń qatysýymen óten jıynda aýdandyq polısııa bóliminiń bastyǵy, maıor Talǵat Kenjetaevtyń ótken jylǵy jumys qorytyndylary týraly baıandamasy tyńdaldy.
Tımırıazev aýdanynda 11 myńnan astam halyq tursa, sonyń tórt aýyldan turatyn ortalyq aýyldyq okrýginde 5 myńdaı adam turady. Polısııa departamentiniń bastyǵy mal urlyǵy, esirtki qylmystary jáne otbasylyq-turmystyq qatynastar salasyndaǵy quqyq buzýshylyqtardyń aldyn alý jumysyn keńinen júrgizý týraly tapsyrma berdi.
Osyndaı kezdesý Ǵ.Músirepov aýdanynyń ortalyǵy Novoıshımskoe aýylynda da ótti. Bul aýdan oblystaǵy eń iri ári eń shalǵaıdaǵy aýdandardyń biri bolyp tabylady. Aýdandyq polısııa bóliminiń bastyǵy, polısııa podpolkovnıgi Marat Áljanov óziniń baıandamasynda 2020 jyly 235 qylmys tirkelgeni týralyaıtty. Qylmys ashý deńgeıi 90%. Kezdesý aıaqtalǵannan keıin Tımırıazev aýdanyndaǵy kezdesýdegideı aýdannyń qyraǵylyq tanytqan belsendi turǵyndaryna
Alǵys hattar tabystaldy. Sondaı-aq, M.Tólebaev azamattardy jeke qabyldady.
Polkovnık M.Tólebaev sońǵy bolyp Maǵjan Jumabaev aýdanyna bardy. Munda ol polısııa bóliminiń azamattardy qabyldaýǵa arnalǵan bólmesin, sondaı-aq temirjol vokzalynyń mańynda ornalasqan ýchaskelik polısııa pýnktin aralady.
Polısııa pýnktinde kún saıyn úsh polısııa ofıseri kezekshilik atqarady, ýchaskelik ınspektorlarǵa aýdan ortalyǵyndaǵy quqyqtyq tártipti qamtamasyz etýge 19 beıne baqylaý kamerasy kómektesedi eken. Aýdandyq polısııa bóliminiń bastyǵy, polısııa podpolkovnık Qaırat Bımendın baıandamasy tyńdaldy.
Kezdesý aıaqtalǵannan keıin birden tórt aýdan turǵyny jeke qabyldaýǵa jazyldy. Eki suraq mektepten keıin jáne áskerden keıingi qyzmetten keıin ishki ister organdaryna jumysqa ornalasý jóninde boldy, sondaı-aq aýyldyq polıseılerge eki alǵys aıtyldy.
Sońǵy eki aıda SQO PD bastyǵy Marat Tólebaev oblystaǵy on úsh aýdannyń toǵyzynda osyndaı formatta kezdesý ótkizdi. Bundaı is-sharalardyń basty mindeti – ashyqtyq, aıqyndyq jáne jumystyń servıstik modeli qaǵıdalaryn júzege asyrý sheńberinde tártip saqshylarynyń jumysy týraly halyqtyń pikirin zerdeleý bolyp tabylady.
Soltústik Qazaqstan oblysy
