Qazaqstan Prezıdentine Esep komıtetiniń tóraǵasy vedomstvonyń 2020 jyly atqarǵan jumystarynyń negizgi nátıjeleri men aldaǵy ýaqytta oryndaıtyn mindetteri jóninde málimet berdi.
Natalıa Godýnovanyń aıtýynsha, byltyr Esep komıteti 18 aýdıtorlyq jáne saraptamalyq-analıtıkalyq is-shara ótkizip, 47 trıllıon teńgeden astam qarjyǵa aýdıt júrgizgen.
1,8 trıllıon teńgege deıingi bıýdjet qarjysyn tıimsiz josparlaýǵa jáne jumsaýǵa baılanysty zań buzýshylyqtar 1,5 ese, 81 mıllıard teńgege deıingi qarjylyq zań buzýshylyqtar 2 ese ósken.
Qasym-Jomart Toqaevqa pandemııa kezinde ekonomıkany qoldaý maqsatynda daǵdarysqa qarsy kúreske bólingen qarjynyń tıimdi jumsalýyn baqylaý jónindegi Memleket basshysynyń buǵan deıin bergen tapsyrmasynyń iske asyrylý barysy baıandaldy. Sondaı-aq kvazımemlekettik sektordaǵy aktıvterdiń tıimdi basqarylýyna júrgizilgen baǵalaý jumystary jaıynda aıtyldy.
Kezdesý sońynda Prezıdent Esep komıtetiniń tóraǵasyna birqatar naqty tapsyrma berdi, atap aıtqanda, memlekettik aýdıt jáne qarjylyq baqylaý organdary qyzmetin jetildirýdi mindettedi.
