Mamandar paıdaly aqparatpen bólise otyryp, sábı kútip júrgen kelinshekterge keńes beredi.
Kirisinen aıyrylý jaǵdaıyndaǵy tólenetin áleýmettik tólem bolashaq ananyń jumysqa jaramsyz kúnderin, ortasha aılyq kirisin jáne zeınetaqy tóleminiń tıisti kólemin ala otyryp esepteledi.
Bul tólemdi rásimdeýge HQO-ǵa kelesi qujattar qajet:
- Jeke basyn kýálandyratyn qujat;
- Bank shoty jaıly málimet;
- Jumysqa jaramsyzdyq paraǵy;
- Eger bolashaq ana jeke kásipker bolsa, kásiptiń memleketik tirkeýi týraly kýáliktiń kóshirmesi.
«Qujattardy tirkelgen mekenjaıyna qarasty HQO-ǵa, eńbekke jaramsyzdyq paraǵyn alǵan sátten bastap 1 jyl ishinde ótkizýge bolady. Qujattar tolyq tapsyrylǵan soń 8 jumys kúni ishinde tólemderdiń taǵaıyndalǵany jaıly SMS-habarlama keledi», deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń baspasóz qyzmetiniń basshysy Jańyl Ápetova.
