Búgingi tańda «Baqytty Otbasy» ortalyǵynyń bazasynda árbir aýdanda «ISKER ANA» baǵdarlamasy júzege asyrylýda. «ISKER ANA» baǵdarlamasymen kóp balaly analarǵa tirkeý, zańgerlik jáne psıhologııalyq kómekten bastap kásipkerlik negizderi boıynsha kýrstarǵa, bıznes-jospar qurýǵa, óz bıznesin ashýǵa, grant nemese mıkrokredıt alýǵa deıin qadamdyq jumys usynylady.
Bıylǵy kóp balaly jáne az qamtylǵan otbasylardy jumysqa ornalastyryp, óz bıznesin damytý maqsatynda demeýshiler arqyly Áýezov aýdanynda toqyma jáne azyq-túlik ónimderin qoldan satý úshin 4 saýda núktesi, atap aıtqanda, «Tıgrohaýd», «Arystan» saýda úılerinde, «Sary-Arqa» jáne «Arystan» bazarlarynda azyq-túlik núktesi ashyldy. Almaly aýdanynda «Áleýmettik tigin sehy» (Almaty qalasy, Jibek joly kóshesi, 135) óz jumysyn bastady.
Sonymen qatar, Túrksib aýdanynda kópbalaly analardyń qoldan jasaǵan taýarlaryn satatyn «Isker Ana» saýda úıi (Almaty qalasy, Súıinbaı dańǵyly, 263) ashyldy. Saýda úıinde zamanaýı stıldegi ulttyq kostıýmder, quraq-kórpe, ulttyq naqyshtaǵy áshekeıler, áıelderge arnalǵan kıimder satylymǵa qoıyldy, sondaı-aq kıimderdi óńdeý jáne jóndeý boıynsha qyzmet kórsetý kózdelgen.
Zúlfııa Baısaqova «Baqytty otbasy» ortalyǵynyń arqasynda myńǵa jýyq jumys orny ashylǵanyn atap ótti.
