Shvesııa Syrtqy ister mınıstrligi Protokol departamentiniń Basshysy Marııa Krıstına Lýndkvıstpen kezdesý barysynda S.Nurtaev bıyl Qazaqstan óziniń Táýelsizdiginiń 30 jyldyǵyn atap ótip jatqandyǵyn jáne osy jyldar ishinde bizdiń el Shvesııany mańyzdy syrtqy saıası áriptes retinde qarastyryp kele jatqanyn atap ótti.
M.Lýndkvıst Qazaqstan basshylyǵynyń bitimgershilik bastamalary, eldiń zamanaýı saıası damýy, Tuńǵysh Prezıdent - Elbasy Nursultan Nazarbaevtyń táýelsiz eldiń qalyptasýy men nyǵaıýyndaǵy jáne qoǵamdaǵy turaqtylyqty qamtamasyz etýdegi rólimen tanysyp, Prezıdent Qasym-Jomart Toqaev qol qoıǵan beıbit jınalystar bostandyǵyn, jala jabýdy dekrımınalızasııalaý, genderlik teńdikti qamtamasyz etýge baǵyttalǵan serpindi zańdar týraly aqparat aldy.
2017-2018 jyldardaǵy BUU Qaýipsizdik Keńesi sheńberindegi Qazaqstan men Shvesııa arasyndaǵy saıası ózara is-qımyldyń oń tájirıbesi atap ótildi. BUU-daǵy qazaqstandyq jáne shved delegasııalary osy jyldarda beıbitshilik pen qaýipsizdik máselelerinde birlesip jáne belsendi jumys istep keledi, osyǵan baılanysty qazaqstandyq dıplomat bul tájirıbeni halyqaralyq uıymdar alańdarynda, atap aıtqanda 2021 j. Shvesııanyń EQYU-ǵa tóraǵalyq etýi kezinde barynsha jalǵastyrýdy usyndy.
Sonymen qatar, áńgimelesý barysynda ekijaqty qatynastardy, ózara saýdany tereńdetýge jáne ınvestısııalardy tartýǵa qyzyǵýshylyq bildirildi.
Protokol departamentiniń basshysy elshige qazaqstandyq-shved yntymaqtastyǵyn nyǵaıtý jolynda tabysty jáne jemisti jumys tiledi.
