Bıyl belgili qoǵam qaıratkeri, akademık Salyq Zımanulynyń týǵanyna 100 jyl toldy.
Osyǵan oraı oblystyq sottyń tóraǵasy Baýyrjan Jumaǵulov óńir basshylyǵyna Atyraý qalasyndaǵy kóshe men mekteptiń birine ǵalymnyń esimin berý týraly usynys túsirgen edi.
«Jaqynda oblystyq máslıhattyń depýtattary kezekti sessııada oblystyq sot tóraǵasynyń usynysyna qoldaý bildirdi. Atyraý qalasyndaǵy №37 orta mektepke Salyq Zımanovtyń esimin berý týraly sheshim qabyldanyp, respýblıkalyq onomastıkalyq komıssııaǵa usynys jiberildi. Endi ǵalymnyń esimin kóshege berý máselesi de óz sheshimin tabatyn bolady» dep habarlady oblystyq sottyń baspasóz hatshysy Boranbaı Ǵalıev.
