Baǵdarlama qatysýshylary uıymdastyrýshydan AITV RNQ konsentrasııasyn ólsheıtin úlgilerdi alady. Sodan keıin qatysýshylar ólsheý nátıjelerin jáne dáldigin baǵalaıtyn uıymdastyrýshy qaýymǵa jiberedi. О́lsheý dáldigi boıynsha joǵary kórsetkishke jetken qatysýshyǵa CDC «Úzdik oryndaǵany úshin» (For Outstanding Performance) sertıfıkaty beriledi. О́ziniń alǵashqy qatysýynyń qorytyndysy boıynsha Almaty qalalyq JITS ortalyǵy AITV-nyń vırýstyq júktemesine zertteýlerdiń joǵary dáldigin rastaıtyn sertıfıkat aldy.
Vırýstyq júkteme (VJ) – AITV-men ómir súretin adamdardy emdeýdegi eń mańyzdy kórsetkish. VJ deńgeıi pasıenttiń denesindegi vırýstyń belsendiligin kórsetedi. Qazirgi antıretrovırýstyq terapııa vırýstyń kóbeıýin (replıkasııasyn) tolyǵymen basýǵa múmkindik beredi. Alaıda, pasıent buǵan taǵaıyndalǵan emdeý rejımin saqtaǵan jaǵdaıda ǵana qol jetkize alady. Antıretrovırýstyq terapııanyń sáttiligi nemese sátsizdigi LJV qanyndaǵy AITV RNQ konsentrasııasyn ólsheıtin zerthanalyq zertteýlermen anyqtalady. Sandyq taldaý polımerazdy tizbekti reaksııa (PTR) ádisimen júrgiziledi. Sonymen qatar, PTR zertteýleriniń dáldigi óte mańyzdy, óıtkeni alynǵan nátıjelerge súıene otyryp, emdeýshi dáriger emdeý rejımin jalǵastyrý nemese ózgertý týraly sheshim qabyldaıdy.
