Soltústik Qazaqstan oblysynyń aýmaǵy arqyly ótetin halyqaralyq jáne respýblıkalyq mańyzy bar joldarǵa «Qazaqavtodor» JShS qyzmet kórsetedi. Olar kún saıyn qar tazalaıtyn 60 tehnıka shyǵarady. Oblystyq jáne aýdandyq mańyzy bar joldardy kútip ustaý «Petropavl joldary» JShS mindeti. Olar 3 qosalqy merdiger uıymnan 114 tehnıka jol tazalaýǵa shyǵarady. Petropavldyń kóshe-jol jelisine 22 kommýnaldyq uıym qaraıdy. Bıyl olar kún saıyn 500-ge deıin tehnıka shyǵardy. Qalanyń kólik júretin joldaryn tazalap úlgerip turdy, endi kásiporyndar trotýarlardy tazartýǵa kóshti.
Alaıda jol kútýde qanaǵattanarlyq jumys istemegen Soltústik Qazaqstan oblysynyń 60 laýazymdy tulǵasy jaýapkershilikke tartyldy. «Qardyń ýaqtyly shyǵarylmaýynan bolǵan júrý bóliginiń tarylýy, qatqan muz ben nyǵyzdalǵan qar, kóktaıǵaq — jol-kólik oqıǵalaryn arttyratyn faktorlar», deıdi SQO PD Ákimshilik polısııa basqarmasy Jol jáne tehnıkalyq ınspeksııasy bóliminiń bastyǵy, polısııa podpolkovnıgi Nazar Baımatov.
