Qurmetti dostar!
Barshańyzdy Ulystyń uly kúni – Naýryz meıramymen shyn júrekten quttyqtaımyn!
Áz-Naýryz – tatýlyq pen dostyqtyń, yrys pen yntymaqtyń, izgilik pen jaqsylyqtyń merekesi. Jańarý men jasampazdyqtyń nyshany. Bul kúnderi tól qundylyqtarymyz tórge ozyp, salt-dástúrimiz keńinen dáripteledi.
Tereńnen tamyr tartatyn osynaý meıram Táýelsizdigimizdiń arqasynda qaıta túlep, ult rýhanııatynyń órisin keńeıtti. Memleket basshysy Qasym-Jomart Kemeluly Toqaev «Táýelsizdik bárinen qymbat» atty maqalasynda Naýryzda qoǵamdy uıystyrar qundylyqtarǵa basymdyq berýdiń mańyzy zor ekenin aıtqan edi. Shyn máninde, aldaǵy ýaqytta merekeniń mán-mazmunyn odan ári arttyra túskenimiz abzal.
Kelip jetken jańa jylymyz elimiz úshin qutty da qaıyrly bolsyn! Ár shańyraqqa shattyq pen baq-bereke ákelsin! Táýelsiz Qazaq eli máńgi jasaı bersin!
Ulys oń, aq mol bolsyn, aǵaıyn!
