Aımaqtar • 22 Naýryz, 2021

«Naýryz dostaryn shaqyrady» halyqaralyq bı festıvali ótýde

48 ret kórsetildi

Qostanaıda  «Naýryz dostaryn shaqyrady» halyqaralyq bı festıvali ótýde. Bıyl  onlaın rejimde uıymdastyrylǵan dástúrli shara aıasynda Qazaqstan men TMD elderinen qyryqqa jýyq bı ansambli óner kórsetedi.

Uıymdastyrýshylardyń aıtýynsha, basty maqsat beıbitshilik pen dostyq merekesi Naýryz naqyshyn bı tilimen bederleý jáne qazaqtyń ulttyq bıin nasıhattaý bolyp tabylady. Halyqaralyq horeografııalyq festıvalǵa alys-jaqyn shetelden 25-ke jýyq bı toby qatysýda.  Olardyń ishinde  iri halyqaralyq baıqaýlarda úzdik tanylyp júrgen «Shashý» (Nur-Sultan), «Karnaval» (Qostanaı),   «Nevskıe zorı» (Sankt-Peterbýrg), «Kalınka» (Máskeý) «Eralash» (Chelıabi), «Bıserınkı» (Tatarstan), «Iýnost» (Kıev), «Zýbrenok» (Mınsk), «MÝSh» (Erevan),  «Jemchýjına» (О́zbekstan), «Tábárik» (Qyrǵyzstan), «Salavat» (Ýfa) sııaqty kásibı óner ujymdary bar.

Naýryz bı festıvali barysynda árbir ansambl eki-eki bıden kórsetýi shart: aldymen ózderi qalaǵan bıdi, odan keıin qazaqtyń ulttyq bıleriniń birin bıleıdi.

Aýqymdy sharanyń ashylý rásiminde oblystyq mádenıet basqarmasynyń basshysy Erlan Qalmaqov quttyqtaý sóz sóılep, festıvalge qatysýshylarǵa sáttilik tiledi. «Elbasy Nursultan Nazarbaev  «Rýhanı jańǵyrý» atty baǵdarlamasynda rýhanı qundylyqtardy jańǵyrtý, ulttyq biregeılikti, ultaralyq mádenıet pen tatýlyqty saqtaý, elimizde turyp jatqan barlyq  etnostardyń ulttyq shyǵarmashylyq dástúrlerin dáripteý týraly atap ótken bolatyn. Sondyqtan bı festıvali aıasynda halyq bıleri aıshyqtalyp, kópshilik kórermen júreginen oryn alady dep senemin. «Naýryz dostaryn shaqyrady»  Tobyl óńirinde jyl saıyn Ulystyń uly kúni qarsańynda ótetin dástúrli festıvalge aınaldy. Basty maqsat - Naýryz merekesine oraı, oblysymyzdaǵy, elimizdiń basqa óńirlerindegi jáne shet memleketterdegi bıshi ónerpazdardyń basyn qosyp, olardyń ózara tájirıbe almasýyna múmkindik týǵyzý. Mundaı festıval bı óneri salasynda óte sırek ótedi», dedi basqarma basshysy.

«Naýryz dostaryn shaqyrady» festıvalin áleýmettik jeli arnalary arqyly TMD-nyń on shaqty memleketinen on myńdaǵan  jankúıer tamashalap otyr. Árqaısy ózderiniń qalaýly bı ansamblderine daýys berip, qoldaý kórsetýde. Shart boıynsha, eń kóp daýys jınaǵan bı toby baǵaly syılyqtarmen marapattalady.

 

 

Qostanaı oblysy

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar