«Búgingi otyrysqa kelgen adamdardyń kópshiligi birinshi Jer komıssııasynyń jumysyna qatysqan. Sol komıssııanyń artyqshylyǵy men kemshiligin kórdik, tájirıbe jınaqtaldy. Sondyqtan birinshi úlken usynys – sol Jer komıssııasynyń negizgi hattamasynda jasalǵan baǵyttar boıynsha mınıstrlik (Aýyl sharýashylyǵy mınıstrligi) esep daıyndasa. Tıis sheshimder qabyldandy nemese «myna usynystar nege qybyldanbady» degen esep bolýy kerek», dedi depýtat.
Osy oraıda ol atqarylǵan jumystyń nátıjesi de bolýy kerektigin qajet dep sanaıdy.
Odan ózge Májilis depýtatyaqparat pen kadastr máselesine toqtalyp ótip: «Ol da sózsiz kerek, sebebi senim bolmaı, jer máselesinde eshqandaı ózgeris jasalmaıtynyn anyq kórip otyrmyz. Sonymen qatar, «aýyl sharýashylyǵy jerleri, jaıylym, shabyndyqqa qatysty nege zańdar men qabyldanǵan baptar jumys istemeı jatyr» degen kásibı taldaý jasasaq. Kerek bolsa, aımaqtarǵa shyǵyp, el aralap, artyqshylyǵy men kemshiligin kózimizben kórip, osy týraly keshendi jańa zań jobasyn daıyndaıtyn múmkindik bolsa», dep aıtyp ótti.
