«Búgingi kúni qala emhanalarynda 35 vaksına bólmesi bar. Vaksına salýǵa arnalǵan qosymsha 15 kabınet ashylady. Budan bólek, saýda úıleri men bazarlarda halyqty vaksınasııalaý máselesin de pysyqtap jatyrmyz», dedi Laýra Myrzaǵalı.
Onyń aıtýynsha, búginde densaýlyq saqtaý mınıstrligi belgilep bergen adamdarǵa vaksınasııa jasalýda. Olar medısına qyzmetkerleri, muǵalimder, áskerı jáne polısııa qyzmetkerleri, stýdentter, mektepke deıingi uıymdardyń qyzmetkerleri, dıspanserde esepte turǵan adamdar. Laýra Myrzaǵalı aqpan aıynda qalaǵa 1 750 doza, naýryz aıynda – 10 800 doza jetkizilgenin atap ótti. «Naýryzda biz úshinshi transhty aldyq - 16 200 dozanyń 3 200 dozasy jetkizildi. Sáýir jáne mamyr aılarynda 65 200 doza vaksına keledi. Maýsymda – 67 000 doza. Sodan keıin revaksınasııa bolady», dedi ol.
Aıta keteıik, Almatyda koronavırýs juqtyrǵandar sany 31 307-ge jetti. Onyń ishinde, 26 169 adam aýrýdan aıyqqan.
