Telemedısına dırektorynyń aıtýynsha, qazirgi tańda densaýlyq saqtaý mınıstrligi belgilep bergen adamdarǵa vaksınalaý bolyp jatyr. Olar – medısına qyzmetkerleri, muǵalimder, áskerı jáne polısııa qyzmetkerleri, stýdentter, mektepke deıingi uıym qyzmetkerleri, dıspanserde esepte turǵan adamdar.
Onlaın brıfıng barysynda jýrnalıster spıkerden densaýlyq saqtaý mınıstrligi bekitken tizimge enbegen depýtattarǵa nege vaksına salynǵanyn surady.
Osy tusta Laýra Myrzaǵalı bylaısha jaýap berdi: «Arnaıy qor bar. Málimetter bazasynda vaksınasııalanǵan barlyq adamdar qyzmeti boıynsha naqty sıpattalǵan. Basshylyq laýazymdaǵy adamdar qajet bolǵan jaǵdaıda vaksına alýy kerek. Depýtattar – únemi halyqpen, medısına qyzmetkerlerimen jáne taǵy basqalarmen baılanysta bolatyn adamdar. Sondyqtan arnaıy qordyń sheshimimen bul adamdarǵa vaksına egildi. Almatyǵa bólingen doza ońdy-soldy taratylmaıdy. Munyń bári keıinirek tekseriledi».
Aıta keteıik, ótken aıda Almaty máslıhatynyń depýtattary koronavırýsqa qarsy vaksına saldyrǵan edi.
