Bul másele Almaty qalasy ákiminiń orynbasary Erjan Babaqumarovtyń qatysýymen MÁMS máseleleri jónindegi О́ńirlik shtabttyń otyrysynda sóz boldy.
Medısınalyq saqtandyrý qorynyń Almaty qalasy boıynsha fılıalynyń dırektory Tileýhan Ábildaevtyń aıtýynsha, shaǵyn jáne orta bıznes qyzmetkerleri MÁMS paketinen medısınalyq kómek alýy úshin olardyń jumys berýshileri 2021 jyldyń 31 naýryzyna deıin jaldamaly jumysshylar týraly aqparat berýi tıis.
О́tken jyldyń sáýir aıynda 2020 jyldyń 1 qazanyna deıin salyq pen áleýmettik tólemder úshin «nóldik» mólsherlemeni paıdalanatyn ShOB tizimi bekitilgen bolatyn. Atalǵan jeńildik QR Úkimetiniń №721 qaýlysyna sáıkes jyl sońyna deıin uzartyldy. Iаǵnı, jaldamaly jumysshylar 9 aıǵa aýdarymdar men jarnalardan bosatyldy.
Qordyń saıtynda shaǵyn jáne orta bıznes ókilderi qyzmetkerler týraly málimetterdi naqtylaýdy 2020 jyldyń sońyna deıin turaqty túrde júrgizip keldi.
«Jalpy, Almaty qalasy boıynsha 116 604 ShOB tólemnen bosatyldy. Osy jyldyń naýryz aıynyń basyndaǵy jaǵdaı boıynsha, olardyń tek 73,6%-y (85 781) qyzmetkerlerdiń tizimin naqtylady nemese MÁMS úshin aýdarymdar men jarnalardy tóledi, qalǵan 26,4% (30 823) óz qyzmetkerleri týrly qajetti málimetterdi bermedi. Sondyqtan jumys berýshiler ShOB qyzmetkerlerin saqtandyrý boıynsha túsindirý jumystaryn júrgizip, derekterdi Qor saıtyna engizýleri qajet», - dep túsindirdi Tileýhan Ábildaev.
Ony qalaı jasaý kerek?
• Jumys berýshi msb.fms.kz siltemesi boıynsha ótýi kerek;
• Zańdy tulǵanyń nemese JK ESQ kómegimen qordyń aqparattyq júıesinde tirkelý jáne paıdalanýshy kelisimine qol qoıý;
• Qyzmetkerlerdiń JSN qosý (buny bir Excel faılymen, sondaı-aq árbir jeke qyzmetkerge jol arnap jasaýǵa bolady);
Qyzmetkerdiń derekteri talaptarǵa sáıkes kelse MÁMS júıesinde onyń mártebesi 30 mınýt ishinde jańarady.
Salyq jáne áleýmettik tólemder úshin «nóldik» mólsherlemeni paıdalanatyn ShOB-tyń 29 sanatynyń tolyq tizimimen Úkimettiń «Salyq salý máseleleri boıynsha ekonomıkany turaqtandyrý jónindegi odan arǵy sharalar týraly» №224 Qaýlysy arqyly tanysýǵa bolady.
