Sýretti túsirgen Erlan OMAR, «EQ»
«О́ńirde vaksınalaý isi 1 aqpanda bastaldy. Qazaqstan Respýblıkasy Bas sanıtar dárigeriniń qaýlysyna sáıkes, ekpeniń ekinshi bóligin alý alǵashqy vaksınadan soń úsh aptadan keıin júrgiziledi. Naýryzdyń 3-i kúngi málimet boıynsha, Batys Qazaqstan oblysynda 1 myń medısına qyzmetkeri «Gam-KOVID-Vak» (Spýtnık V) vaksınasynyń I jáne II komponentin aldy» deıdi oblystyq densaýlyq saqtaý basqarmasynyń baspasóz qyzmeti.
Naýryzdyń 4-i kúni oblysqa «Gam-KOVID-Vak» vaksınasynyń 5 500 dozasy kelgen edi. Munyń 3 250-i – birinshi, 2 250 danasy – ekinshi kezeńde egýge arnalǵan. Árıne, ekpe eń aldymen koronavırýs juqtyrý qaýpi joǵary medısına qyzmetkerlerine, odan soń pedagogter men kúshtik qurylymdar ókilderine jasalýda. Bul jumys kún saıyn keste boıynsha baqylanyp, monıtorıng jasalyp otyr.
19 naýryzda vaksınanyń I kezeńinde egiletin taǵy 1 myń dana ekpe oblysqa keldi. Naýryzdyń 25-indegi málimetke qaraǵanda, óńirde 3 255 adam vaksına qabyldap úlgergen. Olardyń arasynda 768 pedagog, 199 áskerı qyzmetshi bar.
Ekpe jumysy qalaı júredi? Áýeli densaýlyq saqtaý basqarmasy túrli mekeme-uıymdarǵa: bilim basqarmasyna, kúshtik qurylym basshylaryna hat joldap, ekpe alatyn azamattardyń tizimin aldyrady. Ol tizim jedel túrde ekpege shaqyrtý úshin jergilikti emhanalarǵa jiberiledi. Buǵan qosa, basqarma kún saıyn ekpeniń barysyn baqylap, tizimdi tekserip otyrady.
Búginde oblysta COVID-19 indetine qarsy vaksına jasaıtyn 28 kabınet jasaqtalǵan. Onyń 7-eýi – qalalyq memlekettik emhanalarda ornalassa, beseýi «Medısınalyq ortalyq», «Medıker Aqsaı», «Batys AvıGıp», Uniserv Medical Center jáne INTERTEACH sekildi jekemenshik ortalyqtar. Buǵan qosa 15 aýdandyq aýrýhana men Taıpaq aýyldyq aýrýhana bazasynda da ekpe jumysy júrip jatyr.
Ekpe jumysy erikti túrde júrgiziledi. Pasıent alǵashqy vaksınany alarda mindetti túrde dáriger qaraýynan ótip, qyzýy ólshenedi, epıdemııalyq anamnez alynady. Dene qyzýy 37-den joǵary bolsa, ekpe jasalmaıdy. Ekpeden keıingi 30 mınýt jáne ımmýndaýdan sońǵy 3 táýlik boıy vaksına alǵan adam dárigerdiń baqylaýynda bolady. Joǵaryda aıtylǵan ekpe kabınetteri vaksınadan keıin bolatyn yqtımal asqyný kezinde qajet bolatyn barlyq qural-jabdyqpen, preparattarmen qamtylǵan.
Batys Qazaqstan oblysy
