Avtordyń aıtýynsha, Golovkın qazirgi qarjylyq jaǵdaıyna Kanelonyń arqasynda jetip otyr, óıtkeni onymen bolǵan jekpe-jekke alǵan qalamaqysy tabysynyń basym bóligin quraıdy. Golovkın tartysqa toly eki aıqasta jalpy tabystyń 90 paıyzyn alǵan. Keıbir derekkózder boıynsha búginde GGG-diń jınaǵan qory – 30-35 mln dollarǵa jýyqtaıdy. Salystyrmaly túrde alǵanda, Alvareske Avnı Iyldyrymmen ótkizgen sońǵy jekpe-jegi úshin 20 mln dollar berildi. Sondaı-aq Kallým Smıtpen ótkizgen sharshy alańdaǵy urysynda da dál sondaı somada syıaqy tabystaldy.
Esterińizge sala keteıik, Golovkın men «Kanelonyń» alǵashqy jekpe-jegi 2017 jyldyń qyrkúıeginde ótip, teń eseppen aıaqtaldy. Dese de, qarymta aıqasta tóreshilerdiń basym daýsymen meksıkalyq boksshy jeńiske jetti. Endi eki bylǵary qolǵap sheberleriniń «Trılogııasy» qashan bolatyny belgisiz.
