Jalpy bıylǵy jyldyń 1 qańtar men 26 naýryz aralyǵynda KVI juqtyrǵan 13 236 jaǵdaı tirkeldi. 2020 jyl boıynsha jalpy esebi indetti juqtyrǵan 18 521 jaǵdaı tirkelgen.
Almaty qalasynyń sanıtarlyq-epıdemıologııalyq baqylaý departamentiniń málimeti boıynsha, turǵyndar arasynda ınfeksııanyń órshýi, sonymen qatar, brıtandyq jáne ońtústik afrıkalyq koronavırýstyq shtammdardyń qalada aınalymyna baılanysty eken.
Jańa shtamdardyń juqpalylyǵy aldyńǵy bazalyq shtammen salystyrǵanda joǵary. Infeksııa deńgeıi 70%-ǵa deıin joǵary. Sonymen qatar, KVI sımptomsyz formalaryn tirkeýde 2020 jyly 39%-dan 2021 jyly 32%-ǵa deıin tómendeý baıqalady.
Bıylǵy jyldyń naýryz aıynyń 3 aptasynda koronavırýstyq ınfeksııadan eń kóp zardap shekken – 20-39 jas aralyǵyndaǵy azamattar - 38% jáne 40-59 jastaǵy adamdar - 27%, sondaı-aq 60 jastan asqandar - 20%.
Taldaý nátıjeleri boıynsha bıylǵy jyldyń naýryz aıynyń 3 aptasynda ınfeksııanyń yqtımal oryndary:
qoǵamdyq oryndarǵa barǵanda (saýda, qoǵamdyq tamaqtaný) - 42%, sońǵy aptada - 41%-1% tómendeý; qoǵamdyq kólikpen júrgende - 18%; otbasylyq sharalar - 2%.
Qalada qalyptasqan epıdemııalyq jaǵdaıdy eskere otyryp, Almaty qalasynyń ákimdigi KVI-diń aldyn-alýdy kúsheıtýge shaqyrady. Sonyń ishinde brıtandyq jáne ońtústik afrıkalyq shtamdardyń anyqtalýy da bar. Maska rejımin, áleýmettik araqashyqtyqty saqtaý, qoǵamdyq oryndarǵa barýdan aýlaq bolý jáne adamnyń kóp jınalýyn boldyrmaý, sondaı-aq áleýmettik baılanysty azaıtý qajet.
