Kezekti onlaın-keńeste Almaty qalasy ákiminiń orynbasary Erjan Babaqumarov monıtorıngtik toptardyń jumysyn kúsheıtýdi tapsyrdy. Juqtyrý jaǵdaılarynyń 42%-y qoǵamdyq oryndarǵa tıesili –bul saýda, qoǵamdyq tamaqtaný nysandary jáne t.b. Tekseriletin qoǵamdyq oryndardy qamtýdy arttyrý maqsatynda monıtorıngtik toptardyń sany 40-qa deıin ulǵaıtyldy.
Almaty qalasynyń Sanıtarlyq-epıdemıologııalyq baqylaý departamenti usynǵan materıaldarǵa sáıkes, mýtasııalanǵan brıtandyq jáne ońtústik afrıkalyq shtamdar aldyńǵy bazalyq shtammen salystyrǵanda ınfeksııanyń juǵý kórsetkishi anaǵurlym joǵary.
27 naýryz kúngi jaǵdaı boıynsha, 21-26 naýryz aralyǵynda 98 tekserý júrgizildi, 1911 nysan qamtyldy, onyń 300-inde belgilengen jumys rejıminiń buzylýy, epıdemııaǵa qarsy talaptar saqtalmaýy anyqtaldy. Sonymen qatar, 26-27 naýryz aralyǵynda túngi tekserý barysynda 17 buzýshylyq anyqtaldy. Mysaly, 300 kásipkerlik sýbektisine 230 AEK kóleminde aıyppul salynady.
Bir apta ishinde betperde rejımin buzǵany úshin QR ÁQBtK-niń 425-babyna sáıkes 693 jeke tulǵa jaýapkershilikke tartyldy.
Monıtorıngtik toptar anyqtap, jolyn kesken sharalar arasynda úılený toılary, otbasylyq jáne adamdar kóp jınalatyn ózge de merekelik is-sharalar bar. Mysaly, Áýezov aýdanynda 26 naýryz kúni saǵat 20.00-de Aqsaı 4, 15a meken-jaıyndaǵy «Dostar Saraıy» meıramhanasynda «qyz uzatý» sharasy toqtatyldy. Tıisti sharalar qabyldandy.
Erjan Babaqumarov sanıtarlyq-epıdemıologııalyq rejımdi buzý saldarynan juqtyrý jaǵdaılarynyń ósýi jalǵasyp jatqan aýdandarda monıtorıngtik toptardyń jumysyn kúsheıtýdi tapsyrdy.
Almaty epıdemııalyq jaǵdaı boıynsha áli de «qyzyl» aımaqta tur. О́tken táýlikte qalada koronavırýstyq ınfeksııaǵa oń PTR nátıjesi bar 450 naýqas anyqtaldy. Burynǵysha 65 jastan asqan jáne sozylmaly aýrýlarmen aýyratyn adamdar táýekel tobyna jatady-olarǵa múmkindiginshe úılerinen shyqpaýǵa keńes beriledi. Sonymen qatar, 20-29 jas aralyǵyndaǵy adamdar arasynda ınfeksııanyń ósýi baıqaldy. Taldaý kórsetkendeı, qoǵamdyq mekemelerden basqa, jeke sektorda adamdardyń toptasý jaǵdaılarynyń kóbeıgeni baıqalady - otbasylyq is-sharalardan, úılený toılarynan, eske alýlardan jáne úıdegi toılardan juqtyrý jaǵdaılarynyń tirkelýi jalǵasýda.
Almaty ákimdigi qala turǵyndary men qonaqtaryn jaýapkershilik tanytyp, adamdar kóp jınalatyn oryndarǵa barmaýǵa, buqaralyq is-sharalardy uıymdastyrmaýǵa jáne qatyspaýǵa shaqyrady. Kem degende 1,5-2 metr áleýmettik qashyqtyqty saqtaý jáne betperde kııý mańyzdy. Eske salsaq, karantındik sharalardy buzǵany úshin ákimshilik jaýapkershilik qarastyrylǵan.
