Infeksııalyq stasıonarlarda, modýlderde, klınıkalardyń ınfeksııalyq bólimshelerinde, «halyq arenadaǵy» konservasııada jalpy qýattylyǵy 7011 tósek-oryn jáne 250 reanımasııalyq tósek-oryn ornatylǵan. Búgingi tańda jumyldyrylǵan ınfeksııalyq stasıonarlarda 5000 tósek-oryn bar. Aýrýhanalarǵa 2746 adam jatqyzylǵan, onyń ishinde 133 bala. 35 emdelýshiniń jaǵdaıy óte aýyr. 257-si aýyr, 2454-i ortasha aýyr jaǵdaıda.
Qosymsha tósek-oryndar qoıylyp, dárigerlik quram men medqyzmetkerler jumyspen qamtamasyz etiledi. COVID-19 indetiniń jańa tolqynyna daıyndyq aıasynda 2758 adamnan turatyn kadrlar rezervi quryldy. Medısınalyq joǵary oqý oryndarynyń ınternderi, rezıdentteri, magıstranttary, medısınalyq kolledjderdiń túlekteri, professor-oqytýshylar quramy tartyldy.
Úı medısınalyq baqylaýynda 3057 adam em alyp jatyr. Onyń ishinde 935-i sımptomsyz, 2122 pasıent jaǵdaıy jeńil dáredeli. Bul aýrýhanaǵa jatqyzýǵa belgileri joq pasıentter mobıldi brıgadalar men telemedısına ortalyǵynyń baqylaýynda.
MSAK deńgeıinde barlyǵy 74 medısınalyq uıym jumys isteıdi. Qalanyń 39 memlekettik emhanalaryna aýdıt júrgizilip, pasıenttermen jumys isteýdiń jańa algorıtmderi engizildi. Kovıdtik pasıentterdi ambýlatorııalyq deńgeıde baqylaý úshin mobıldi brıgadalardyń sany 5 esege artty, jolǵa shyǵýǵa 925 medısına qyzmetkeri jumyldyryldy.
«Jalpy, qalanyń densaýlyq saqtaý júıesi barynsha daıyn. Alaıda, COVID-19-men kúresýdiń basty jetistigi qala turǵyndarynyń sanıtarlyq dárigerler men mamandardyń nusqaýlaryn qanshalyqty tártipti ustanatyndyǵyna baılanysty. Biz qalypty ómirge qashan orala alatynymyz tek ózimizdiń qolymyzda», dep atap ótti B.Saǵyntaev.
