Shabýyl jasalǵanyn ıemendik top rastap otyr. Olar Saýd úkimetine tıesili «Aramko» munaı kompanııasyn, áskerı aýmaqtardy nysanaǵa alǵanyn aıtady. Iran eliniń jaqtas toby bul áreketi Abdýlazız patshaǵa qarsy ekenin málimdedi. Osylaısha Dammam, Narjan, Asır qalalaryndaǵy áskerı aýmaqtarǵa soqqy jasalǵan. Sondaı-aq Ras Tanýra, Rabıh, Iаnbý, Jızan qalalaryndaǵy «Aramko» kompanııasynyń obektileri nysanaǵa ilingen.
«Ál-Arabııa» arnasy Saýd Arabııasynyń áskerı kúshi Narjan qalasynyń mańynda ballıstıkalyq zymyran tapqanyn habarlady. Shabýyl órtke sebep bolǵan. Birneshe tank órtke oranǵan. Degenmen, Saýd úkimeti japa shekken naqty aımaqtardy atamaı otyr. Eldiń qorǵanys mınıstri munaı obektilerin saqtap qalý úshin kúsh jumsaıtynyn habarlady.
Dúısenbide Saýd Arabııasy hýsıtterge shabýyldy toqtatýǵa qatysty eki usynys jasady. Degenmen, qarsy taraptyń barlyq sharty tolyq oryndalmaıdy. Saýd úkimeti tek Sana qalasyndaǵy áýejaıdyń ashylýyna jaǵdaı jasaıtynyn málimdedi. О́ıtkeni Iemen astanasyndaǵy áýejaı 2015 jyldan beri kommersııalyq reısterdi qabyldamaıdy. Osylaısha ıemendikterdiń álemmen baılanysy úzilgen. Ekinshi usynysy salyq máselesine qatysty. Saýd Arabııasy munaı ımportynan túsken salyq pen basqa da qarajatty Iemen ortalyq bankine túsiretin bolady. Ol aqsha hýsıtterge de berilmek. Olar bul qarjydan memlekettik qyzmetshilerge jalaqy tólemek. Alaıda bul hýsıtterdiń shabýyly oryndy degendi bildirmeıdi. Ekinshi tarap ázirge jaýabyn aıtqan joq.
Al Iemen hýsıtteri bul sharaǵa Saýd Arabııasy tarapynan jasalatyn ústemdik pen qysymnan qutylý úshin barǵanyn aıtady. Kórshiles elder buǵan qatysty pikir bildirmegenimen, AQSh Iemendi qoldaıdy. Olarǵa tipti kómek kórsetýge de ázir. Iemen halqy bolsa, sheteldik kómekten qashpaıtynyn, kerisinshe qýanyshpen qabyl alatynyn jetkizdi.
