Monıtorıngtik top 75 jasqa tolý mereıtoıyn ótkizýdi toqtatty. Ákimdik táýekel tobyndaǵy qala turǵyndaryn qoǵamdyq oryndarǵa barmaýǵa úndedi.
Sanıtarlyq-epıdemıologııalyq ahýaldyń saqtalýyn baqylaý aıasynda Almatyda 40 monıtorıngtik toptardyń kúsheıtilgen rejımde jumys jasaýdy odan ári jalǵastyrýda.
2021 jylǵy 1 qańtar men 27 naýryz aralyǵynda 1328 nysanǵa tekserý júrgizildi, 11379 nysan qamtyldy, 1352 nysanyń karantın sharalaryn buzǵany anyqtaldy. Atalǵan kezeńde barlyǵy 153 mln teńgeden astam somaǵa 2119 hattama toltyryldy.
О́tken aptada 22-27 naýryz aralyǵynda 102 tekserý júrgizilip, 1286 nysan qamtyldy, karantındik sharalardy 263 nysannyń buzǵany anyqtaldy. Zańdy jáne jeke tulǵalarǵa 932 hattama toltyrylyp, jalpy somasy 47 mln teńgeden asatyn aıyppul salyndy.
Qala turǵyndarynyń aýrýdy juqtyrý deńgeıiniń turaqty ári joǵary ekenine qaramastan, ózderine jáne basqalarǵa juqtyrý qaýpin týdyratyn, adamdardyń kóp jınalatyn is-sharalardy uıymdastyrý jalǵasýda. Mysaly, Bostandyq aýdanynyń monıtorıngtik toby Tımırıazev kóshesi, 42 k meken-jaıynda ornalasqan «Bahyt» saltanat zalynda karantındi buzý faktisi anyqtaldy. Tekserý barysynda 90 adamnyń qatysqan úılený toıy ótip jatqan. Sonymen birge, Han-Táńiri yqshamaýdany, 148/2 meken-jaıy boıynsha ornalasqan «Batyr» meıramhanasynda 50-60 adamnyń qatysýymen otbasylyq-shara – 75 jasqa tolý mereıtoıynyń ótip jatqany anyqtaldy. Áýezov aýdanynyń monıtorıngtik toby Aqsaı 4 yqshamaýdany, 112 meken-jaıyndaǵy «Parasat» meıramhanasynda 50 adamǵa arnalǵan úılený toıyn toqtatty. Barlyq is-sharalar toqtatylyp, atalǵan saltanatty jıyndardy uıymdastyrýshy men ákimshilikke 425-baptyń 1-bólimi boıynsha ákimshilik hattamalar toltyryldy, Bostandyq aýdany PB jergilikti polısııa qyzmetiniń qyzmetkeri karantın rejımin buzý týraly zańdy tulǵaǵa raport toltyrdy.
Jyl basynan beri sot 28 materıal boıynsha 462-baptyń 3-bóligine jáne 425-baptyń 1-bóligine sáıkes jaýapkershilikke tartý týraly sheshim qabyldady:
• Medeý aýdany - 8 materıal: «Manana» meıramhanasy (qyzmetin 15 kúnge toqtatý), «Pýgasov» meıramhanasy (100 AEK mólsherinde aıyppul salynyp, qyzmeti 1 aıǵa toqtatyldy), «Barmaglot» bary (100 AEK mólsherinde aıyppul salynyp, qyzmeti 1 aıǵa toqtatyldy), «Hookan Dreems» kafebary (100 AEK mólsherinde aıyppul salynyp, qyzmeti 1 aıǵa toqtatyldy), «Aılına» meıramhanasy, «Nebo» bary, «Rush7gill pub» bılıard klýby (Tyıym salý toqtaǵanǵa deıin qyzmetin toqtatý týraly sot sheshimi), Vıktorııa bıngo klýby (nysannyń qyzmeti qyzmetke salynǵan tyıym kúshin joıǵanǵa deıin toqtatyldy), «Ordagamecenter» JShS kompıýterlik klýby (qyzmetin 1 aıǵa toqtatý), «Loto» klýby (Tyıym salý toqtaǵanǵa deıin qyzmetin toqtatý týraly sot sheshimi)
• Jetisý aýdany - 4 materıal: jeke tulǵa Nııazova J.A. kompıýternyı klýby (qyzmeti 3 aıǵa toqtatylyp, 5 AEK mólsherindi aıyppul salyndy), «Gameclub» oıyn klýby (qyzmeti 1 aıǵa toqtatyldy), jeke tulǵa Qýandykova J.S. oıyn alańy (Túrkistan oblysynyń Saryaǵash aýdandyq sotyna joldandy), «GrınKKM» JShS loto klýby (qyzmeti 1 aıǵa toqtatyldy);
• Naýryzbaı aýdany - 2 materıal: «Premera» dámhanasy (qyzmeti 1 aıǵa toqtatylyp, 100 AEK kóleminde aıyppul salyndy), «Taýjoly» dámhanasy (qyzmeti 1 aıǵa toqtatylyp, 100 AEK kóleminde aıyppul salyndy);
• Túrksib aýdany - 2 materıal: «Erbil» meıramhana-qonaq úı kesheni (qyzmeti 1 aıǵa toqtatylyp, 70 AEK kóleminde aıyppul salyndy), «Talavi» meıramhanasy (100 AEK mólsherinde aıyppul salyndy);
• Alataý aýdany - 5 materıal: «Jaqsylyq» dámhanasy (100 AEK mólsherinde aıyppul salynyp, qyzmeti 10 kúnge toqtatyldy), «Sentr shashlyka» dámhanasy (161 AEK kóleminde aıyppul salyndy), «Shamo» JShS bılıard klýby (nysannyń qyzmeti karantın rejımi aıaqtalǵanǵa deıin toqtatyldy), «Egoıst» kompıýterlik klýby (nysannyń qyzmeti karantın rejımi aıaqtalǵanǵa deıin toqtatyldy), «Alataý» SOO (200 AEK kóleminde aıyppul salyndy);
• Almaly aýdany - 4 materıal: «Finik» meıramhanasy(qyzmeti 1 aıǵa toqtatylyp, 100 AEK kóleminde aıyppul salyndy), «Fizika» túngi klýby (qyzmeti 3 aıǵa toqtatylyp, 100 AEK kóleminde aıyppul salyndy), «Boohouse» dámhanasy (qyzmeti 1 aıǵa toqtatylyp, 100 AEK kóleminde aıyppul salyndy), «Pırat» dámhanasy (qyzmeti 1 aıǵa toqtatylyp, 100 AEK kóleminde aıyppul salyndy);
• Bostandyq aýdany - 3 materıal: «Sunset» meıramhanasy (200 AEK mólsherinde aıyppul salyndy), «Shmel» tavernasy (materıaldy qaraýdy toqtatý), «Queer» túngi klýby «Alfa International Construction and Trade Company» JShS jalǵa berýshi (qyzmeti 1 aıǵa toqtatylyp, 100 AEK kóleminde aıyppul salyndy).
Monıtorıngtik toptardyń jumys algorıtmi QR «Atameken» UKP men bıznes-ombýdsmen keńsesiniń bastamasy boıynsha VAK hattamasymen bekitilgenin atap ótken jón. Ereje kásipkerlik nysandaryn monıtorıngtik toptar tarapynan buzýshylyqtarǵa qatysty tekserý úshin 5 talap boıynsha qarastyrady:
• jumys rejımi;
• otbasylyq, eske alý is-sharalaryn (banketter, úılený toılary, mereıtoılar, eske alý) jáne adamdar kóp jınalatyn ózge de is-sharalardy ótkizýdi shekteýge qoıylatyn talaptar;
• áleýmettik qashyqtyq;
• betperde rejımi;
• kelýshiler sanynyń lımıtinen asyrý.
Eger monıtorıngtik top bes buzýshylyqtyń bireýin anyqtasa, materıaldardy ákimshilik is qozǵaý úshin Sanıtarlyq-epıdemıologııalyq baqylaý departamentine tapsyrady. Barlyq aýdandarda monıtorıngtik toptarmen birge qoǵamdyq uıymdar, Qazaqstan partııalarynyń músheleri, eriktiler jáne t.b.shyǵady. Eger adamdar oryn alǵan buzýshylyqtardyń kýási bolsa, aqparatty 1308 nómiri boıynsha joldaýǵa bolady.
A.j. 10 naýryzynan beri Almaty qalasy epıdemıologııalyq jaǵdaı boıynsha «qyzyl» aımaqta ekenin esterińizge salamyz. Aǵymdaǵy jylǵy 28 naýryzda KVI juqtyrýdyń 415 jaǵdaıy tirkeldi.
Almaty ákimdigi COVID-19 aldyn alý sharalaryn, ásirese, qalada jańa mýtasııalanǵan brıtandyq jáne ońtústik afrıkalyq shtammdardyń aınalymy aıasynda kúsheıtýge shaqyrady, olar juqtyrýdyń joǵary kórsetkishine ıe. Táýekel tobyndaǵy adamdarǵa – 65 jastan asqan qarttar men sozylmaly aýrýlary bar jandarǵa múmkindiginshe úılerinen shyqpaı, áleýmettik baılanysty azaıtý usynylady.
