Myńjylqy Saılaýuly elimizdegi neırohırrýgııa salasyn damytyp, álemdi moıyndatqan bilikti dáriger. Berdihodjaev Myńjylky 1998 jyly Qaraǵandy qalasyndaǵy medısına akademııasynda bilim alǵan. 2006 jyly «Bolashaq» prezıdenttik baǵdarlamasymen Sankt-Peterbýrg qalasyndaǵy S.M.Kırov atyndaǵy Áskerı-medısınalyq akademııasynyń klınıkalyq ordınatýrasyna oqýǵa túsken.
Dárigerlik eńbek jolyn Astana qalasyndaǵy Respýblıkalyq neırohırýrgııalyq ǵylymı ortalyqta endovaskýlıarlyq neırohırýrg bolyp bastady. 2014 jyly QR prezıdenti is basqarmasynyń medısınalyq ortalyǵynyń ortalyq klınıkalyq aýrýhanasynda ıntervensııalyq kardıologııa bólimshesinde ıntervensııalyq neıroradıolog bolyp jumys istedi. Sondaı-aq Almaty qalasyndaǵy №7 aýrýhanada neırohırrýgııa bólimin basqarǵan. 2016 jyly Almaty qalasyndaǵy Ortalyq klınıkalyq aýrýhanasynda endovaskýlıarlyq neırohırýrgııa ortalyǵynyń basshysy bolyp qyzmet atqarǵan. Al 2020 jyldyń jeltoqsan aıynan bastap qazirge deıin «Kazneuro tamyrly jáne ıntervensııalyq neırohırýrgııa jáne nevrologııa dárigerleriniń qoǵamy» birlestiginiń jetekshisi bolǵan.
Altyn qoldy hırýrg búginge deıin 5000-nan asa bas mıynyń tamyrlaryna joǵary tehnologııalyq otasyn jasaǵan.
