Eki balanyń ákesi Orynbasar Súıinbaev otbasyn turaqty tabyspen qamtamasyz etý úshin bıznespen aınalysamyn dep sheshti. Ol úshin ol ózine tanys baǵytty tańdady.
«Men buryn jaldamaly jumysshy edim, al demalys kúnderi tanysymmen terezelermen aınalystym. Sodan keıin tanysym kóship ketip, men ózimdi jańa deńgeıde synap kórýdi sheshtim. «Eńbek» memlekettik baǵdarlamasy arqyly qoldaý alǵan kóptegen adamdardy bilemin, sondyqtan da baıqap kórý kerek, táýekelge barý kerek dep oıladym», dedi ol.
Ol óziniń burynǵy áriptesiniń sheberhanasynan bıznes júrgizýge arnalǵan jabdyqtardyń bir bóligin satyp aldy, biraq bul jumys úshin jetkiliksiz boldy: birqatar manıpýlıasııalar boıynsha básekelesterine júginýge týra keldi. Búkil óndiristik prosesti óz betinshe jolǵa qoıý úshin Súıinbaev «Eńbek» memlekettik baǵdarlamasy aıasynda grantqa ótinim berdi. Alynǵan aqshaǵa ol keskish aralar, stanok jáne t.b. qajetti jabdyqtar men quraldardy satyp ala aldy.
Orynbasardyń aıtýynsha, Mártók aýdanynda osy salada jumys isteıtin birneshe uıym ǵana bar, sondyqtan bıznesten túsetin tabys otbasyn qamtamasyz etý úshin jetkilikti.
2021 jylǵy 30 naýryzdaǵy jaǵdaı boıynsha Aqtóbe oblysynda memlekettik baǵdarlama aıasynda óz isin damytýǵa 51 adam grant aldy. Qysqa merzimdi kásiptik oqýǵa óńirdiń 203 turǵyny, jastar praktıkasyna 317 adam jiberildi. Turaqty jumys oryndaryna 3922 adam, áleýmettik jumys oryndaryna – 1075 adam, qoǵamdyq jumystarǵa 3226 adam qatysty.
2021 jyldyń basynan bastap «Eńbek» memlekettik baǵdarlamasy aıasynda jumyspen qamtýǵa járdemdesý sharalarymen óńirde barlyǵy 8 852 adam qamtyldy.
Esterińizge sala keteıik, 2021 jyly Qazaqstan boıynsha 109,7 myńnan astam adam «Eńbek» memlekettik baǵdarlamasynyń qatysýshylary boldy, olar túrli qoldaý túrlerin aldy. 100,4 myń adam jumysqa ornalastyryldy, onyń ishinde 32,8 myńy – turaqty jumysqa, memleket sýbsıdııalaıtyn jumys oryndaryna 68,6 myń adam jumysqa ornalastyryldy, 1,2 myń adamǵa qaıtarymsyz grant berildi.
