2020 jyldyń qańtar-jeltoqsan aralyǵynda nekege turýshylar sany Almatyda kóp tirkeldi – 15,8 myń. Odan keıingi oryndarda Túrkistan oblysy (13,5 myń) jáne Almaty oblysy (13 myń) tur.
Ajyrasý boıynsha da (sot sheshimderin eseptemegende) Almaty qalasy kósh bastap tur (3 myń), odan keıin Almaty oblysy (2,5 myń) jáne Qaraǵandy oblysy (2,2 myń) oblysy ornalasqan. Bir jyl ishinde nekege turý sanynyń aıtarlyqtaı tómendeýi Shymkentte (17% azaıǵan), sondaı-aq Soltústik Qazaqstanda (14,9%) jáne Qostanaı oblysynda (14%) baıqaldy.
Nekege turý sany tek Qyzylorda oblysynda ósken, onyń ózinde 1%-ke ǵana. «Qazaqstandyq otbasylar - 2020» ulttyq baıandamasyna sáıkes, qazaqstandyqtar arasynda júrgizilgen saýalnama barysynda respondentterdiń kópshiligi (respondentterdiń 43,2%-i) ajyrasýdyń mańyzdy sebebi otbasylyq zorlyq-zombylyq ekenin aıtqan.
