Parlament • 01 Sáýir, 2021

Senator memlekettik apparattyń jumysyn synǵa aldy

17 ret kórsetildi

Senator Qanatbek Safınov memlekettik organdardy sheneýnikterdiń óz fýnksııalaryn berýge asyqpaǵany úshin synǵa aldy, dep habarlaıdy Egemen.kz Senattyń baspasóz qyzmetine silteme jasap.

Ol óziniń depýtattyq saýalynda elde keıbir memlekettik fýnksııalardy básekege qabiletti orta men ózin-ózi basqarý organdaryna berý saıasaty júrip jatqanyn atap ótti. Alaıda sheneýnikterdiń fýnksıonaldyq belsendiligi sońǵy jyldary azaıýdyń ornyna tek ósip jatyr. Keıbir memlekettik qyzmet túrlerin tapsyrý, bir jaǵynan, azamattardyń jergilikti ózin-ózi basqarý organdary arqyly sheshim qabyldaý prosesine qatysý múmkindikterin keńeıtse, ekinshi jaǵynan, bıýrokratııalyq apparatty qysqartýǵa múmkindik beredi.

«2015 jylǵy jaǵdaı boıynsha memlekettik organdar týraly erejege sáıkes memlekettik fýnksııalardyń sany tórt jarym myńǵa jýyqtady. Qazir bul fýnksııalardyń sany odan da  kóp bolýy múmkin, sebebi tájirıbe memlekettik organdardyń fýnksııalaryn azaıtýdyń emes, kóbeıtýdiń jolymen keledi», dedi senator.

Qanatbek Safınov memlekettik organ óziniń fýnksııalarynyń bir bóliginen bas tartqan jaǵdaıda da, keıde olar sol memlekettik organǵa baǵynatyn kompanııalarǵa aýysatynyn atap ótti. Resmı túrde tapsyrys oryndalady, fýnksııalar básekelestik ortaǵa beriledi, biraq is júzinde memlekettik organ barlyǵyn baqylaýda ustaý múmkindigin saqtap qaldy.

Al shyn máninde, negizgi ıdeıa – Úkimet pen azamattyq qoǵam arasynda tepe-teńdikti saqtaý edi. «Ult jospary – 100 naqty qadamnyń» ózinde mundaı transfert fýnksııalardy tek básekelestik ortaǵa berýmen shektelmeıdi.

«Ult jospary boıynsha, memleketke qajet emes birqatar fýnksııanyń oryndalýyn keıbir memlekettik mekemelerden basqa baǵynyshty uıymdarǵa aýystyrý emes, olardy qysqartý qajet», deıdi Qanatbek Safınov.

Osyǵan baılanysty senator Premer-Mınıstrden Úkimettiń osy baǵyttaǵy 2 jyl ishinde atqarǵan jumystary týraly aqparat berýin, iske asyrý merzimi men kezeńderi týraly málimetpen bólisýin, sondaı-aq, aldyn-alý sharalary týraly esep berýin surady.

 

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar