Bıznes ókilderinen túsken ótinishter negizinde Almaty qalasynyń Kásipkerler palatasy prokýratýraǵa júginip, taldaý júrgizýi barysynda ákimshilik jaýapkershilikke tartýdyń zańsyz derekteri anyqtalǵan. Prokýratýra júrgizgen taldaýdyń arqasynda «Sergek» apparattyq-baǵdarlamalyq kesheni avtobýs jelisi boıynsha marshrýttyq avtobýstardyń qozǵalysyn tirkegenin, ol úshin avtobýs parkteri jol qozǵalysy erejelerin buzǵany úshin ákimshilik jaýapkershilikke zańsyz tartylyp otyr. Buǵan qoǵamdyq jolaqpen avtobýstardyń júrýine tıisti ruqsat málimetteriniń tıisti organdar tarapynan «Sergek» bazasyna ýaqtyly engizbegendigi sebep boldy. Osy jaǵdaıdyń nátıjesinde 22 avtobýs parkine 300 mıllıonǵa jýyq aıyppul salynǵan.
