Aımaqtaǵy ǵana emes, eldegi ahýaldy saraptap, saralaı kele Shyǵys Qazaqstan oblysynyń Bas memlekettik sanıtarııalyq dárigeriniń mindetin atqarýshy Qanat Turdıev 2021 jylǵy 19 aqpandaǵy №4 qaýlysyna birqatar ózgerister de engizdi. Atap aıtsaq, oblys aýmaǵynda shekteý sharalary 2021 jyldyń 2 sáýirinen bastap 15 sáýirin qosa alǵanǵa deıin uzartyldy. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin.
– О́zge óńirler qyzyl aımaqqa kirip, vırýstyń taralýy kóbeıip jatqandyqtan oblys shekaralaryna sanıtarlyq beketter qoıyldy. Oblysqa «qyzyl» aımaqtan kelgen jolaýshylardyń belgili sebepterin kórsetetin anyqtama qaǵazdary bolmasa, kirýge tıym salynady, – deıdi ShQO Sanıtarııalyq-epıdemıologııalyq baqylaý departamentiniń jurtshylyqpen baılanys jónindegi bas mamany Baǵlan Taýanova.
Erekshe jaǵdaılarda, qaýlyda kórsetilgen sanattaǵy adamdardy qospaǵanda, jekelegen sanattaǵy adamdarǵa aýdandar men qalalardyń sanıtarııalyq beketteri arqyly shyǵýǵa jáne kelýge ruqsat qaǵaz jergilikti atqarýshy organynyń sheshimi boıynsha berilýi múmkin.
Qazirgi ýaqytta oblysqa kirýdi jáne shyǵýdy baqylaý úshin 4 sanıtarlyq beket ornatyldy. Onyń ekeýi memlekettik shekaralarda jumys istep tursa, ekeýi Almaty, Qaraǵandy baǵytyna ornatyldy. Basa aıta keterligi, «qyzyl» aımaqtan kelgen azamattar sanıtarııalyq beketterden ótken kezde COVID-19 koronavırýstyq ınfeksııasyna PTR-testiniń teris nátıjesi týraly anyqtamasyn kórsetýi qajet. Ol anyqtama berilgen kúnnen bastap kirý sátine deıin úsh táýlikten (72 saǵattan) aspaýy tıis. Al 5 jasqa deıingi balalar úshin mundaı anyqtama qajet emes. Atalǵan qaýly 2021 jylǵy 2 sáýirden bastap kúshine endi.
