Bul zerthanalarda sıntetıkalyq esirtki zattary daıyndalyp, keıin ol satylymǵa jiberilmekshi bolǵan.
Naýryzdyń 31-i kúni júrgiligen arnaıy operasııa barysynda Aqmola oblysynda qylmystyq toptyń uıymdastyrýshysy qolǵa tústi. Qaraǵandy oblysynyń 30 jastaǵy turǵyny atalǵan óńirden úı satyp alyp, onyń ishin iri kólemde sıntetıkalyq esirtki zattaryn jasaıtyn qural-saımanmen jabdyqtap, keıin jasalǵan esirtkini basqada óńirlerge satpaqshy bolǵan. Sanksııalanǵan tintý júrgizý barysynda ustalǵan azamattan úsh kılogrammnan astam daıyn «mefedron» esirtki zaty jáne 35 lıtr suıyq «mefedron» esirtki zaty, sondaı-aq úsh myń lıtr suıyq, shamamen 50 kılogramm jappaı prekýrsorlar alyndy.
Qaraǵandy oblystyq polısııa departamentiniń bastyǵy Erlan Faızýllın buǵan deıin tártip saqshylarynyń qylmystyq áreketterin Qaraǵandy oblysy, Nur-Sultan, Almaty jáne Pavlodar qalalarynda iske asyryp kelgen uıymdasqan qylmystyq toptyń beldi músheleriniń ustalǵanyn habarlady. Atap aıtqanda, olar – Almaty qalasynyń 32 jastaǵy, Aqmola oblysynyń 35 jastaǵy jáne Palodar qalalarynyń 21 jastaǵy turǵyndary.
Joǵaryda aıtylǵan jedel is-shara barysynda, qylmystyq toptyń aınalymnan ótkizýge daıyndap qoıǵan 100 myń bir rettik dozaǵa teń, qara bazardaǵy quny shamamen 1 mıllıard 600 mıllıon bolatyn 50 kılogrammnan astam esirtki zaty tárkilendi. Sarapshylardyń aıtýyna qaraǵanda, qylmystyń joly kesilmegende, kúdiktiler prekýrsorlardan qara bazardaǵy quny 24 mıllıard teńge bolatyn esirtkiniń bir jarym mıllıon dozasyn jasap, búkil elge taratady eken.
