Karantın sharalaryn buzǵany úshin bıznes sýbektileri men jeke tulǵalarǵa jalpy somasy 170 mln teńgeden asatyn aıyppul salyndy
Jyl basynan beri monıtorıngtik toptar 12,5 myńǵa jýyq nysandy tekserdi, karantındik sharalar buzylǵan 1426 nysan anyqtalǵan. Zańdy jáne jeke tulǵalarǵa jalpy somasy 172 mln teńgege 2438 hattama toltyryldy. 28 qasaqana qaýly buzýshyǵa qatysty sot qyzmetin toqtatý týraly sheshim qabyldandy.
Juqtyrý oqıǵalarynyń kóbeıgenine, sonymen birge mýtasııalanǵan brıtandyq jáne Ońtústik Afrıkalyq KVI shtamdarynyń taralýyna qaramastan, qala turǵyndary men kásipkerlik sýbektileri kelýshiler men qyzmetkerlerdiń ómirlerine qaýip tóndire otyryp, epıdemıologtardyń talaptaryn buzýdy jalǵastyrýda.
Mysaly, Almaty Medeý aýdanynyń monıtorıngtik toby sáýirdiń 2-nen 3-ne qaraǵan túni Nazarbaev dańǵyly, 226 meken – jaıy boıynsha Bakard túngi mekemesine (buryn Kowloon degen atpen belgili), Zenkov kóshesi, 13 meken-jaıy boıynsha Persona túngi klýbyna (buryn «Cınıı FunToMass» degen atpen belgili) jáne Qarmysov kóshesi, 84a meken-jaıy boıynsha «Tarhýn» kafesine kelgenderdi shyǵardy. Monıtorıngtik top kelgen kezde birinshi mekemede shamamen 50 adam bolǵan, ekinshisinde – 40 adam.
Almaly aýdanynda 2-nen 3-sáýirge qaraǵan túni monıtorıngtik top «Gogol» túngi mekemesinde 100 - den astam kelýshilerdi anyqtady; «Lolıta» meıramhanasynda monıtorıngtik top kelgen sátte mekemede 50 adam bolǵan.
Bul nysandar qalanyń Bas memlekettik sanıtar dárigeriniń qaýlysyn buza otyryp jumys istegen. Jumys rejımin buzýmen qatar, adamdardyń kóp jınalýyna tyıym salý, betperde rejımi, áleýmettik qashyqtyq sııaqty epıdemıologııalyq talaptardyń saqtalmaýy tirkeldi. Zańdy jáne jeke tulǵalarǵa ákimshilik buzýshylyq jáne aıyppul salý týraly hattamalar toltyryldy.
Esterińizge sala keteıik, qalada kúsheıtilgen shekteý sharalary qoldanylýda. Kópshilik is-sharalarǵa, sondaı-aq birqatar kásipkerlik sýbektileriniń, ásirese oıyn-saýyq mekemeleriniń jumysyna tyıym salynǵan.
Tyıym salynǵanyna qaramastan, meıramhanalarǵa, klýbtar men dámhanalarǵa barýdy toqtatpaǵan almatylyqtardy epıdemıologtar kelýshiler arasynda koronavırýstyq ınfeksııanyń tasymaldaýshylary bolýy múmkin ekenin eskertedi. Almaty ákimdigi qalanyń bas memlekettik sanıtar dárigeriniń talaptaryn - betperde kııýdi, karantın rejıminiń jeńildegenine qaramastan, halyqtyń kóp jınalýy jáne juqtyrý qaýpi joǵary oıyn-saýyq mekemelerine barýdan bas tartýdy usynady.
