Otpen arpalysý osaldyń isi emes

О́rt sóndirýshi men qut­qa­rýshy qyzmetterin qatar ush­­tastyrý ońaı emes. Ottan qor­ǵaıtyn aýyr kıim men qajetti quryl­ǵylardy arqalaı jú­rip, jalyn shashqan «tilsiz jaý­dyń» ótinde, opyrylyp túskeli turǵan qabyrǵalardyń aras­ynda qalǵan adamdy sanaýly sekýnd ishinde alyp shyǵa bilý qutqarýshynyń erik-jigerin ǵana emes, dene kúshiniń daıyndyǵyn da talap etedi. Jalynmen alysqan qas qaǵym sát órt ishinde qalǵan adam taǵdyryn sheshedi.

Ol 2008 jyly elimizdiń Qarýly Kúshterinde áskerı boryshyn ótep kelgen boıda birden Aqtóbe qalasyndaǵy №1 mamandandyrylǵan órt sóndirý bólimine qatardaǵy qutqarýshy bolyp ornalas­ty. Kóp keshikpeı Sankt-Peterbýrgtegi órtke qarsy qyz­met ınstıtýtynda oqyp, dıplom alyp kel­gennen keıin tańdap kelgen ma­man­dyǵynyń qyr-syryna te­reń­deı tústi. Adam men tehnıkaǵa ál bermeı arpalysqan ot-jalynnyń betin qaıtarý kezinde kók tútin men ýly gazdyń arasynda qalǵan adamdy qutqarý, ásirese, jas balalardy aman alyp shyǵý qutqarýshynyń jyl­damdyǵyn, myqtylyǵyn, shuǵyl áreket ete bilý qabiletin synǵa salady. Ekinshi jaǵynan ot ortasyna túskende tótenshe jaǵdaı kezinde qoldanylatyn saqtyq erejelerin muqııat saqtap, óz basyn da aman alyp shyǵa bilý kerek. Kez kelgenniń qolynan kele bermeıtin erlik osyndaıda kórinedi.

On úsh jyl ishinde oblys­ta­ǵy eń kúrdeli órt sóndirý ope­rasııalaryna qatysqan tájirı­be­li mamannyń esinde talaı júrekti aýyrtar kórinister qaldy. О́rt sóndirýshi de adam. Keıbir qyp-qyzyl órt jadynda óshpes sýret bolyp qalyp qoıady. Qansha ýaqyt ótse de, kezdeısoq sol mańnan ótip bara jatqanda eriksiz kóz aldyna elesteıdi.

Muqan ótken jyldyń qara kúzinde qala ortalyǵyndaǵy «Alataý» saýda úıinen shyq­qan órtti áli umytqan emes. Dabyl túse salysymen jedel­dete jetken top operator ból­mesinen shyqqan jalyn uıasyn tez anyqtap, sóndirýge árekettengenimen, ot áp sátte aýmaǵy myńdaǵan sharshy metr, bıik ǵımarattyń shatyryna qaraı órledi. Kórshi ǵımaratqa qaraı órship ketýi ábden múmkin edi. Onyń ústine, saýda ortalyǵyndaǵy sórelerde tez tutanǵysh materıaldar jetkilikti. Áıteýir, ǵımarat ishindegi adamdar der kezinde syrtqa shyǵaryldy. Ara­lary bólin­gen saýda núkteleriniń qa­byr­ǵalary aǵashtan q­a­lan­­ǵandyqtan, órttiń kú­sheıý qaýpi tym joǵary. №1 bólimsheniń birneshe órt óndirý tehnıkasynyń kúshi jetpegendikten, qala­da­ǵy bar­lyq órt sóndirý qyzmeti tú­gel osy jerge ju­myl­dy­ryl­dy. Az ýa­qyttyń ishinde kóp­tiń kúshimen ot són­dirilip, ja­lyn­nyń basqa ǵı­ma­rat­tarǵa sharpýy­na jol berilmedi.

О́rt sóndirý qyzmeti – na­ǵyz erler­diń jumysy desek, bul salaǵa bilek pen júrektiń kúshin ushtastyrǵan, qajet kezde basyn qaterge tigip táýe­kel ete alatyn azamattar kerek. Bul maman­dyq­tyń eń mańyzdylyǵy – adam ómirin saqtap qalýda. Abaısyzda tu­tan­ǵan sirińkeden adamdardyń jyldar boıy jınaǵan dúnıe-múlkiniń bir sátte kúlge aı­nal­ǵanyn kózben kórý de aýyr. Sondyqtan da órt són­dirýshiler eresekterge úı-jaıdy uzaq ýaqyt qaraýsyz, jas balalardy ba­qylaýsyz qaldyrýdan abaı bolýdy eskertýden jalyqpaıdy. О́ıt­keni kóp jaǵdaıda órttiń shy­ǵýyna adamdardyń beıqam­dy­ǵy men salǵyrttyǵy sebep bolyp jatady.

Muqan Ámir 2020 jyldyń soń­ǵy aıynda ózi qyzmet etetin №1 ma­man­dandyrylǵan órt sóndirý bólimi bastyǵynyń mindetin atqarýshy bolyp taǵaıyndaldy. Osy qyzmetke kelgen jas qyzmetkerlerge on úsh jyl adam ómirin qut­qarýmen aınalysyp kele jatqan Muqannyń eńbek joly úlgi. Ol qoly bos ýaqytynda jattyǵý zalynan shyqpaıdy. О́ıtkeni ómirine qaýip tóngen adamdy qutqarý, lapyldaǵan otpen arpalysý osaldyń isi emes. О́rt bolyp jatqan kóp qabatty turǵyn úıler men ǵımarattarǵa 20 metrlik sý toly oqpandy ıyqqa ilip, avtosatymen joǵary órme­leý­ge qandaı kúsh qajet­tigin baǵam­daı berińiz. Bul tur­ǵy­da sport­tyń berer paıda­sy zor. Muqan Ámir bolsa, birneshe jyldan beri sporttyń grepplıng, djıý-djıtsý túrlerimen shuǵyl­da­na­­dy. Otbasynda 3 qyz, 2 ul tárbıelep otyrǵan baqytty áke osylaısha qaı jaǵynan da qatarlastaryna úlgi. О́mirde aınalasyna shýaq shashyp júretin, jaýapkershiligi mol, isine tııanaqty, sózine berik Muqan sııaqty azamattar qaı kezde de kerek-aq.

Aqtóbe oblysy